သူတို့ချစ်ခြင်း ကိုယ့်အလင်းနဲ့ ကူပါရစေ

                              ကျွန်တော်နာမည်က “love chat”။ လမ်းမကြီးတစ်ခုကို ချိုးထွက်နိုင်မယ့် လမ်းသွယ်လေး ရဲ့ ဒေါင့်ကျကျနေရာမှာ တည်ရှိတဲု့ အင်တာနက်ဆိုင်လေးပါ။ ။ ဒါပေမယ့် ဆိုင်ရှင်က ကျွန်တော်နာမည် ကို ကဗျာ ဆန်ဆန်လေးနဲ့ စွဲဆောင်မူရှိအောင် ဆိုင်းဘုတ်အောက်နားလေးမှာ “ချစ်တင်းနှော” ဆိုပြီး မြန်မာလို ခပ်သေးသေးလေး အဓိပ္မါယ်ဖွင့် ဆို ပေးထား တယ်။

                             ချစ်တင်းနှောဆိုတဲ့ နာမည်လေးနဲ့ လိုက်အောင် ချစ်တင်းနှောချင်တဲ့ သူတွေပဲ ကျွန်တော့် ဆီကို လာတယ်လို့ မထင်လိုက်ပါနဲ့။ ကျောင်းကိစ္စ၊ အလုပ်ကိစ္စနဲ့ လာတဲ့သူတွေရှိသလို၊ တခြား လူမူရေး၊ ကမ္ဘာ့အရေး မြန်မာအရေး ကိစ္စတွေနဲ့ စကားပြောဖို့ လာကြတဲ့လူတွေ အမျိုးမျိုးကို ကျွန်တော်ဆီမှာ နေ့စဉ်၊ နေ့တိုင်း တွေ့မြင်ရတတ်တယ်။ သူတို့ထဲက တချို့က အပျင်းဖြေရုံ ၊ အပျော်သက်သက် အချိန်ဖြုန်းဖို့ ကျွန်တော် ဆီ လာတဲ့သူတွေ ရှိသလို၊ တချို့ကလည်း ကိုယ်ရဲ့ပြသာနာ တချို့နဲ့ လူမူရေးကိစ္စလေးတွေကို အဝေးမှာရှိတဲ့ မိတ်ဆွေ သူငယ်ချင်းတွေနဲ့ တိုင်ပင်ဆွေးနွေး ဖြေရှင်းနိုင်ဖို့ ကျွန်တော့်ဆီလာ တတ်ကြတယ်။ ပျော်ရွင်လန်းဆန်း တဲ့ ခြေလှမ်း တွေနဲ့ လာတဲ့ သူတွေရှိသလို၊ တချို့ကလည်း စိတ်မပါ၊ တက်ကြွမှူ မရှိတဲ့ လေးလံ ခြေလှမ်းတွေ နဲ့ ကျွန်တော့်ဆီ ရောက်လာတတ်ကြတယ်။

                               တချို့ လူငယ်လေးတွေကတော့ သူတို့ အချိန်တွေကို ကျွန်တော့်ဆီမှာပဲ သူငယ်ချင်း တချို့နဲ့ အချိန်းအဆက်ပြုရင်းအချိန်ဖြုန်းတတ်သေးတယ်။ သူတို့တွေက ဆယ်ကျော်သက် လူငယ်တွေများပြီး၊ ကမ္ဘာပေါ်မှာ လက်ရှိဖြစ်နေ တဲ့ စစ်ဘေး ၊ မတရားမူနဲ့ ညည်းပန်းနှိပ်စက် လူသတ် တာတွေကို မကြားဖူး၊ မခံစား ရဖူးတဲ့သူတွေလို အချင်းချင်း အပြန် အလှန် သေနတ်နဲ့ပစ်ခတ်ရတဲ့ (counter strike) ဂိမ်းနဲ့ သူ့ထက်ငါ လက်ဦး အောင်ဓါးနဲ့ခုတ်ရတဲ့ အ နီရောင်  သွေးတွေ ဖြာဖြာထွက်သွားသော လူသတ်ဂိမ်း တွေကို စွဲစွဲလမ်းလမ်းနဲ့ ဆော့ တတ်တာ ကျွန်တော် အမြဲ လိုလို တွေ့နေ ရတယ်။ သူတို့ပါးစပ်မှ လည်း

                     “ သေစမ်းကွာ၊မသေသေးဘူးလား။ ဟေ့ကောင် ငါပစ်လိုက်တာ. မင်းဆီမှာ ၃ယောက်ကျ သွား ပြီလေ၊ ဘာလို့နောက်ထပ် လူတွေ အများကြီးတွေ ဖြစ်နေတာလဲကွ ။“

                          “မင်း လူသတ်နိုင်တိုင်း နိုင်တယ်မထင်ပါနဲ့ကွာ၊ ငါ့ဆီမှာ နောက်ထပ် လူတွေ အများကြီး ကျန်သေးတယ်၊ မင်းကိုသာ ငါကသေအောင် ဖြိုပစ်မှာ”

                     ဆိုတဲ့ အသံတွေကို သူတို့အုပ်စု အလည်လာတိုင်းအမြဲလို ကြားရတတ်တယ်။ တခါတလေ  ဆိုင်ပိတ်တဲ့အထိ သူတို့တွေရဲ့ စစ်တိုက်တဲ့ ကစားပွဲက မပြီးပြတ်နိုင်သေးတော့ ကျွန်တော့်ဆိုင်ရှင်တောင် လည် ဂုတ်ကနေ ဆွဲမထုတ်ရုံ တမယ်၊လေသံခပ်မာမာနဲ့ အတင်း ပြန်လွတ်တတ်ရတယ်။ ဒါကိုလည်း သူတို့က မမူပါဘူး။ အဲ့ဒီလို ဆိုင်ရှင်က မကြည်သာသလို ဆက်ဆံလို့ ကျွန်တော့်ကိုခွဲသွားလိမ့်မယ်၊ စိတ်နာသွားမယ်လို့ မထင် လိုက်ပါနဲ့ ။  သူတို့လာနေကြ အချိန်မှန် ကျွန်တော်ဆီ အုပ်စုနဲ့ ရောက်လာပြီး တစ်ခါတလေလည်း သူတို့ရဲ့ အားပါးတရ လူသတ်ကစားပွဲမှာတောင် ထပ်ဆင့်ပြီး ဘယ်သူနိုင်မလဲ၊ ဘယ်သူရှံးမလဲ ဆိုတာကို ပိုက်ဆံနဲ့ လောင်းကြေးထပ်တာမိ်ျုးလည်း ကျွန်တော် မြင်ဖူးတွေ့ဖူးလိုက်သေးတယ်။ ဒါကကျွန်တော်ဆီ လာနေကြ အငယ် တန်း ဖောက်သည် ဂိမ်းသရဲတွေပါ။

                       ကောင်မလေး ခပ်ငယ်ငယ် တွေကတော့ ကျွန်တော့်ဆီမှာ ငြိမ်ငြိမ်လေးနဲ့ အင်တာနက် ကြည့်တတ်ကြတယ်။ တဖက်ခုံ ဂိမ်းသရဲတွေဆီက တစ်ချက်တစ်ချက် ထဖောက်လာတဲ့ အသံတွေကို  သူတို့ ခေါင်းလေးတစ်ချက် စောင်းငဲ့ကြည့် ရုံကလွဲလို့ သူတို့ရဲ့ အရေးကိစ္စတွေကိုပဲ ဦးစားပေးဆောင်ရွက်လ့ ရှိတာ ကျွန်တော်သတိထားမိတယ်။သူတို့တွေထဲကမှ ဆံပင်တိုတို၊ ဂါဝန်တိုတို၊ နဲ့ကောင်မလေးတစ်ယောက်ကို တော့ အားလုံးထဲမ်ှသူ့ကို ကျွန်တော် ပိုပြီး  သတိထားနေမိတယ်။ သူက သောကြာနေ့ညနေဆို ပုံမှန်လာတတ်ပြီး အဝေးမှာရှိတဲ့ သူ့ချစ်သူဖြစ်သူနဲ့ အွန်လိုင်းမှာပုံမှန် စကားပြောတက်တယ်။ ကျွန်တော့်နာမည်လေးနဲ့ ပြောရရင် တော့ ချစ်တင်းနှောတာ ပေါ့ဗျာ။ သူလိုမျိူး ကိုယ့်ချစ်သူနဲ့ အွန်လိုင်းမှာဆုံပြီးစကားပြောကြ လွမ်းတဲ့သူတွေ ရှိသလိုပဲ  တခ်ခါမှ မမြင်ဖူးပဲ အွန်လိုင်းမှာ ဆုံဆည်းကြ ၊ ခင်မင်တွယ်တာကြပြီး နောက် ချစ်ခင်သွားတဲ့ သူတွေလည်း ကျွန်တော့်ဆီမှ ဒုနဲ့ဒေးပါပဲ။ ဒါကြောင့် ဒီခေတ်ကြီးထဲမှာ ကိုယ့်ချစ်သူ တစ်ယောက်တည်းကို ပဲ

“ ချစ်တင်းနှော” ခွင့်ရှိတာမဟုတ်ပဲ မမြင်ဖူးတဲ့ သူတွေကိုလည်း လွတ်လပ်စွာ ချစ်တင်းနှောခွင့် ရှိတဲ့ အိုင်တီ ခေတ်ကြီးပါ။

                     အဲ့ဒီ ဆံပင်တိုတိုနဲ့ ကောင်မလေးက  စကပ်ပဲ ၀တ်ဝတ် ၊ဘောင်းဘီပဲ ၀တ်ဝတ် ဂါဝန်ပဲ ၀တ်ဝတ် အတိုလေးတွေ အမြဲဝတ်တတ်တော့ ကျွန်တော့ ပိုင်ရှင်ဆရာတောင် သူ ဆိုင်ထဲဝင်လာပြီဆိုရင် မျက်လုံးကြီးနှစ် လုံးအပြင် ကို ပြူးပြုတ် ထွက်ကျချင်စရာ ကောင်းအောင် ငေးမောရတတ်သူပါ။ သူက ချစ်စရာ ကောင်းတဲ့ မျက်နှာ ပေးလေးနဲ ချစ်သူနဲ့ အွန်လိုင်းမှာ အားရပါးရ စကားတွေ ပြောပြီးတာတောင်မှ ပြန်ခါနီးမှာ တစ်ရက်တလေ ပီဖင်းဂိုးနဲ့ ဖုန်းခေါ် တတ်တာမို့ သူ့ကို ကျွန်တော် ပိုပြီး ရင်းနှီးနေမိတာ။ သူ့အတွက်တော့ ကျွန်တော်ဟာ သူ့ချစ်သူနဲ့ ဆက်သွယ် ခွင့် ရတဲ့ တစ်ခုတည်းသော သီးသန့် ကမ္ဘာလေးလို့ ထင်နေပုံပါပဲ။  ကျွန်တော့်ဆီ လာတိုင်းသူက အမြဲ ရွင်မြူး တက်ကြွနေတတ်တယ်။ သူ့တွက်တော့ တစ်ပတ်တစ်ခါ သူ့ချစ်သူနဲ့ တွေ့နိုင်မယ့် ဒီနေ့ကို ကျွန်တော် ဆီလာဖို့ အမြဲ မျှော်လင့်စောင့်စားနေသူလို့ ထင်တယ်။

                  သူက သူငယ်ချင်းတွေနဲ့ သုံးတဲ့ ဂျီမေလ်အကောင့်အပြင် နောက်ထပ် သီးသန့်အကောင့်တစ်ခု ထပ်ဖွင့်ပြီး သူ့ချစ်သူကို အဲ့ဒီအကောင့်နဲ့သာဆက်သွယ်တယ်။ ကျွန်တော်ကစိတ်ဝင်စားစွာနဲ့ သူ့ကောင်လေး ဘက်ကို လှမ်းစပ်စုမ်ိတော့ သူ့ကောင်လေးကလည်း သူလို့ပါပဲ။ သူ့ရဲ့အကောင့်ထဲမှာ ကောင်မလေးနာမည် တစ်ခုထဲကိုပဲ မြင်လိုက်မိတယ်။ သူတို့နှစ်ယောက် ရဲ့ စကားဝိုင်းထဲကို တခြားတစ်ဦးတစ်ယောက်က ၀င်ပြောမှာ ၊ နှောင့်ယှက်မှာ စိုးပုံနဲ့ အကောင့်တစ်ခုဆီမှာ ကိုယ့်ချစ်သူ နာမည်လေး တစ်ခုသာ စကားပြောလက်ခံတဲ့ အစိမ်း ရောင် သင်္ကေတလေးနဲ့ ယှဉ်တွဲ မြင်နေရတယ်။ ဟို ကျွန်တော်ကြားဖူးတဲ့ သီချင်းထဲလို “’ချစ်တဲ့ တို့နှစ်ယောက် သီးခြား ချစ်ကမ္ဘာငယ်..” ဆိုတာ ဒါမျိုးနဲ့ တူတယ်။

                       ကောင်မလေးက သူ့ကောင်လေးကို စကားပြော၊ စာပို့လို့ ရတဲ့ ဂျီမေလ်း၊ ဂျီတော့နဲ့ တင် မကဘူး။ ရုပ်ပါမြင်ပြီး စကားပြောလို့ရတဲ့ ဗီဇက်အိုတို့ စကိုက်ပ်တို့ကိုလည်းဖွင့်ပြီး စကားပြောသေးတာ။ လိုင်း ကျရင်တော့ စကားပြောရတာ အ-ထစ် အ-ထစ် ၊ ပြတ်တောက် ပြတ်တောက်ပေါ့။ ပြီးတော့ ကောင်မလေးက ဒီနေ့ လူ တွေ ပါးစပ်ဖျား မှာ ရေပန်း စားနေ တဲ့ ဖေ့ဘွတ်ဆိုတာကိုသုံးပြီး သူ့ကောင်လေးနဲ့ ဆက်သွယ်ဖို့ သူငယ်ချင်းဖြစ်သူက သင်ပေး ထားကြောင်း ကောင်လေး ကို ပျော်ရွှင်စွာ ပြောပြတယ်။ ဖေ့ဘွတ်ကလည်း မသုံးဖူးရင် မသိတာကြောင့် တချို့လူတွေဆို facebook guideline book (ဖေ့ဘွတ်သုံးနည်းလမ်းညွှန်စာအုပ်) တောင် နံဘေးချပြီးမှ အင်တာနက် သုံးကြတာလေ။ အဲ့ဒီစာအုပ်ထဲမှာ ကိုယ်စိတ်ကြိုက် ဓါတ်ပုံတွေကို အင်တာနက်မှာ ဘယ်လိုတင်ရသလဲဆိုတာရယ်  ၊ ကိုယ်သဘောကျတဲ့ ပုံအောက်မှာလည်း မှတ်ချက် ဘယ်လိုရေးရသလိုဆိုတာအပြင်  ဖေ့ဘွတ်ကနေတဆင့် ဝေးကွာနေတဲ့သူအချင်းချင်း ပိုမို ရင်းနှီးကျွမ်းဝင်အောင် လုပ်နိုင်မယ့် နည်းလမ်းတွေကိုလည်း ဖော်ပြပေးထားပါတယ်။

                             ဒါပေမယ့် ဒီတစ်ခါ ကောင်လေးက ကောင်မလေးဖေ့ဘွတ်သုံးမှာကိုသဘောမတူ ရုံမက ကောင်မလေး ဖေ့ဘွတ်အကောင့်ဖွင့်လိုက်တာ ကို လည်း သိပ်ဝမ်းမသာသလိုပါပဲ။ ပြီးတော့ ကောင်မလေး ကိုလည်း တချိန်လုံးဖေ့ဘွတ်သုံးပြီး အချိန်မကုန်နေဖို့နဲ့ ကောင်မလေးရဲ့ဓါတ်ပုံတင်မက သူတို့နှစ်ယောက်ဓါတ်ပုံ ဘယ်ပုံမှ အွန်လိုင်းမှာ မတင်ရဘူးလို့ တခါတည်း တားမြစ်လိုက်ပါတယ်။ အကြောင်းရင်းကို ကောင်မလေးက မေးတော့ ဘာမှမဟုတ်သလိုနဲ့ ဝေးနေတဲ့ အချိန်မှာသူတို့ ဓါတ်ပုံတွေ ဟိုရောက်ဒီရောက်ဖြစ်မှာ စိုးလို့၊ သူလည်းမတင်ဘူး ကောင်မလေးလည်း မတင်ရဘူးလို့ မယုတ်မလွန်ဖြေတယ်။   ဒ်ီတော့ ကောင်မလေးက သူ့ရဲ့ အကောင့်မှာ ချစ်စရာကောင်းတဲ့ ခွေးနဲ့ ကြောင်ပုံလေး တွေ အပြင်၊ သူတို့နှစ်ယောက်ရဲ့ ချစ်ခြင်းကို တမျိုးအဓိပ္မါယ် ဖော်ထားပုံ ရတဲ့ inspiration ပုံလေး တွေကို ရှာပြီး သူ့အကောင့်ထဲမှာ  အားပါးတရ တင်လိုက်တယ်။ သူ့ချစ်သူ အလွမ်း ပြေအောင်လို့  ပြောတဲ့ စကားသံလေးတွေကိုလည်း ကျွန်တော်ကြား လိုက်ပါ သေးတယ်။ ကောင်မလေးက အတော်ကို စ်ိတ်ကူးယဉ်သလို၊ ကောင်လေးကို လည်းတွယ်တာပုံရတယ်။

                    ဒီနေ့လည်း ထုံးစံအတိုင်း ကျွန်တော့် ပိုင်ရှင်နံဘေးမှာပဲ ချိုအီတဲ့အသံ လွင်လွင်လေးနဲ့ သူ့ကောင်လေး ရှိရာ နိုင်ငံခြားကို ဖုန်းခေါ်သွားတယ်။ သူ့ အိတ်ထဲက အနီရောင် ဆင်ဖြူတစ်ရွက် ခုန်ထွက် သွားတာကိုလည်း ကျွန်တော်မြင်လိုက်ရ တယ်။ ဘာပဲဖြစ်ဖြစ် ကျွန်တော့်ဆီမှာ သူ့လိုမိန်းကလေး တွေ များစွာရဲ့ ရီသံလွင်လွင်လေးတွေ ၊ ကြည်နူးပျော်ရွင်ဖွယ် စကားလေး တွေကို ကြားရတော့ ကျွန်တော်ပါ ပီတီဖြစ်မိတာ အမှန်ပဲ။ မိန်းကလေး ဆိုတာမျိူးက တကယ် ချစ်ပြီဆို ကိုယ်ချစ်ရသူနဲ့ ဘယ်လောက်ဝေးဝေး လေလိုင်း ထဲမှာတောင် ချစ်သူကို  စွဲစွဲလန်းလန်းရူးသွပ် တတ်တာမျိုးကို။

                      ကျွန်တော့်ဘ၀ထဲမှာ အချစ်ဇာတ်လမ်းတွေ၊ ဘ၀ သရုပ်ဖော်ဇာတ်လမ်းတွေကို ကိုယ်တိုင် ကိုယ်ကျ ဖန်တီးသွားကြတဲ့ လူတွေကို ငေးမောကြည့်ရင်း ကျွန်တော့် ဘ၀နေ့ရက်တွေဟာ လူသားတွေ ရဲ့ဘ၀ တစ်ခုထပ်ပိုပြီး စိတ်ဝင်စားစရာကောင်းတယ်လို့ ထင်နေမိတယ်။ အခုပဲ ကြည့်လေး.။ကျွန်တော့်ရှေ့မှာ ခပ်ဖြောင့်ဖြောင့် ဘဲတစ်ကောင် ၊ နေ့စဉ် အွန်လိုင်းတက်ပြီး ကောင်မလေးတွေကို ကြောင်စီစီလုပ်နေတာ။ ကြောင်စီစီ လုပ်တယ်ဆိုတာ အီစီကလီလုပ်ပြီးဖွန်ကြောင်တာ ကို ပြောတာပါ။ သူက ကောင်မလေးတွေကို အွန်လိုင်းကနေ အရင်ဆုံးသူငယ်ချင်းလုပ်၊ ခင်အောင်ပေါင်းပြီးမှ ၊ချစ်သူဖြစ်အောင် ကြိုးစားတဲ့နေရာမှာ အတော် အတွေ့အကြုံ ရင့်ကျက်နေပုံပါပဲ။ သူ့ရဲ့ ဂျီမေးလ်ဘောက်စ်ထဲမှာ ရင်ဖွင့်ထားတဲ့ မျက်ရည် စပေါင်းများစွာကို မေးလ် အဖြစ်တွေ့ရတတ်သလို သူ့ရဲ့ ဖေ့ဘွတ်အကောင့်ထဲမှာလည်း ဆွေမျိုးတော်သူ စာရင်းထဲ တန်းစီပြီး အွန်လိုင်းကနေ ညီအစ်မ အဖြစ်တော်ထားတဲ့ ချစ်စရာမိန်းကလေး မျက်နှာလေးတွေကို တွေ့မြင်နေရတတ် တယ်။ ဒီဆိုင်ထဲကို လာတဲ့သူတွေထဲမှာဆို သူဟာ ကျွန်တော်ကြည့်မရဆုံး လူသားပါ။ သူ့ဆိုင်ထဲကို ၀င်လာပြီ ဆိုရင် အခန်းထောင့် တစ်နေရာ ကခုံမှာ လျော့တိလျော့ရဲ နဲ့ ပျင်းရိပျင်းချောက်ထိုင်ပြီး တစ်နေ့တာ မြန်းဂလစ်ခ်ျလို့ ခေါ်ခေါ် နေကြတဲ့ မြန်မာအသံထွက်ကို အင်္ဂလိပ်စာလုံးတွေနဲ့ ရေးသားပြီး ချက်တင်ဝင် အချိန်ဖြုန်းလေ့ရှိသူပါ။

                        အခုသူ အွန်လိုင်းပေါ်မှာ ရှိနေတဲ့ အချိန်မှာလည်း သူငယ်ချင်းလိုပတ်သတ်မူမျိုးမဟုတ်တဲ့ မိန်းကလေး သုံးယောက်ကို တပြိုင်နက်တည်း စကားပြောနေတာတွေ့ရတယ်။ တစ်ယောက်ကတော့ သူ့နဲ့ မပြတ်သေးတဲ့ (ရန်ဖြစ်လိုက် ပြန်ချစ်လိုက်) ရည်စားဟောင်း၊ နောက်တစ်ယောက်ကတာ့မကြာသေးခင်က အဖြေရထားတဲ့ သူ့ချစ်သူဖြစ်ပြီး ၊ တစ်ယောက်ကတော့ သူတောင်းတဲ့ ဖုန်းနံပါတ်ကို ချက်ချင်းပေးလိုက်ပြီး ညနေ ကျရင်သူ့နဲ့ဖုန်း ဆက်ဖို့ အချိန်းအချက်ပြုနေတဲ့ အသစ်ဆက်ဆက်ရည်းစားလောင်းလေး။ မမြင်ရတဲ့ မိန်းကလေး တွေကို အွန်လိုင်းကနေ လိမ်ညာပြောဆိုနေတတ် တဲ့ သူ့စကား လုံးတွေဟာကျွန်တော့်ကို အော်ဂလီဆန်စေတာအမှန်ပဲ။ ဒီလိုဆိုတော့ ကျွန်တော့်ဘ၀ဟာအချစ်စစ် တွေရဲ့ကြားခံ နယ် မြေတစ်ခု လို့ ခံယူခဲ့မိတာ ဟုတ်မယ် မထင်ဘူး။ သစ္စာဆိုတာ တန်ဖိုးထား ရကောင်းမှန်း မသိ တဲ့ ယောကျာ်းတွေကို  လွယ်လွယ် နဲ့ ဖောက်ပြန်ဖို့ အခွင့်အရေး တွေပေးတဲ့ထဲမှာ ကျွန်တော်လည်း ထိပ်ဆုံးက ပါနေတာပါပဲ။ သူကို ကျွန်တော် စိတ်ပျက်စွာ နဲ့ မျက်နှာ လွှဲ   လိုက်ပြီး ဆိုင်အတွင်းကို တဒင်္ဂဂဝေ့၀ဲကြည့်လိုက်ပါတယ်။

                             ကျွန်တော့်ဆီမှာ နိုင်ငံခြားပညာတော်သင်အတွက် ကျောင်းပညာသင်ဆုကြေး ရနိုင်ဖို့  လိုအပ်တာတွေ တချို့ကိုအင်တာနက်မှာပြေးပြေးလွှားလွှား ရှာဖွေနေသူတွေရှိတယ်။ အလုပ်ကိစ္စ အင်တာဗျူး အတွက် လေ့လာ နေတဲ့ လူငယ်တွေရှိတယ်။ အဝေးရောက် သားသမီးတွေ အတွက် နားကြပ် (ear phone) တပ်ထားတဲ့ အဖေအို၊မအေအိုကြီး တွေရဲ့ ကျယ်ကျယ်လောင်လောင် ဆုံးမသံတွေရှိတယ်။ မဟုတ်မခံတတ်တဲ့ လူတချို့ရဲ့ အမှန်တရားနဲ့တရားမျှတမူကို လူသားအားလုံး အပြည့်အ၀ထောက်ခံတတ်စေဖို့ ဂျီမေးလ်နဲ့ ဖေ့ဘွတ်ကနေ တဆင့် သတင်းလာလာ ဖြန့်တတ်တဲ့ သူတွေရှိတယ်။ မိုင်ပေါင်း များစွာ ဝေးနေတဲ့ အရပ်ကနေ တစ်ဦးကို တစ်ဦင်္း မမြင်ဖူးပဲ၊ သံယောဇဉ်တစ်ခုတည်းနဲ့ ခိုင်မြဲတဲ့ မေတ္တာကို တန်ဖိုးထားမြတ်နိုးတတ် တဲံ့သူတွေရှိတယ်။ ကင်မရာမဖွင့် ရင် မမြင်ဖူးတဲ့ သူစိမ်းတွေမို့  တစ်ဦးနဲ့တစ်ဦး မျက်နှာချင်းဆိုင်စကားပြောခွင့် မရှိတဲ့အခွင့်အရေး ကို အသုံးချပြီး အင်တာနက်ကနေ ရည်းစားလာရှာတဲ့ လူရှုပ်လူပွေတွေ ရှိတယ်။  ဘာပဲဖြစ်ဖြစ် ကျွန်တော့်ဆီကို လာ တဲ့ လူတွေ က ရည်ရွယ်ချက်မျိုးစုံ ၊ခံစားချက်မျိုးစုံနဲ့ သူတို့ရဲ့လက်ရှိ အချိန် တွေကို အသုံးချနေတာ မြင်ရလို့ လူ တစ်ဦး ချင်းရဲ့ဘ၀နဲ့ အသက်ရှင်ရပ်တည်တာတွေကို ကျွန်တော်ရဲ့နေ့ရက်တွေမှာ အမြဲလိုလို  မြင်တွေ့နေ ရတာပါ်။

                           ဒီနေ့တော့ ကျွန်တော့်ဆီမှာ လူအတော်စုံနေတယ်။ ဆိုင်ရှင်က နေရာအခက်အခဲရှိမှာစိုးလို့ တောင် အနည်းငယ်စိတ်ပူနေသယောင်ပါပဲ။ အချိန်ကလည်း ညနေ သုံးနာရီခွဲလေးနာရီဆိုတော့ အင်တာနက် ဆိုင်တိုင်း လူကျချိန်မို့ ကွန်ပြူတာ ကီးဘုတ်ကနေ ထွက်ပေါ်လာတဲ့ တဖျောက်ဖျောက် စာရိုက်သံ၊ အင်တာနက် သုံးရင်း အဆာပြေစားဖို့ ယံယံ ခေါက်ဆွဲပြုတ်မှာသံ ၊ ကော်ဖီနဲ့ အအေးမှာသံတွေနဲ့ ဆူညံပွက်လော ရိုက် နေတယ်။ ဒီထပ် ပိုဆိုးတာက တက်တလှည့်၊ ကျ တလှည့် ကွန်နက်ရှင်မှာ အမိအရ ဖမ်းပြီးပြောနေတဲ့ စကားပြောသံတွေ။ 

                     “ဟယ်လို ဟယ်လို ကြားရလား ၊ သမီးလေးလား အေး  မေမေ လေ။ နေကောင်းရဲ့လား သမီးရေ၊ မေမေလည်း ကောင်းပါတယ်။ အလုပ်မှာရော အစစ အဆင်ပြေရဲ့လား၊ ပြောပါအုန်း။ မေမေနဲ့ ဖေဖေ လည်း အမြဲဆုတောင်းပေးထားပါတယ်။“

                      “ဟဲ့ ငါပြောတာနင်ကြားရလားလို့ မေးနေတာ။ ဒီမှာလိုင်းက ခဏခဏကျနေတယ်။ စိတ်ညစ် လိုက်တာဟယ်။ ငါ့စီဗီဖောင်ကို နင့် သူဌေးဆီကို တင်ပြီးပြီလားလို့ မေးနေတာ ၊ အေး မကြားရလဲ ဇွတ် အော်မနေနဲ့ ၊ စာရိုက်လိုက်လေ။ တကယ်ပဲ စိတ်ညစ်ပါတယ်။”

                      “အဲ့ဒီမှာ အခုရာသီဥတု ဘယ်လိုနေလဲ သူငယ်ချင်း။ ကျန်းမာရေးတော့ ဂရုစိုက်နော်။ အရင်လိုပဲ ဒီမှာက ဘာမှ သိပ်မထူးဘူး။ မီးပျက်တယ်၊ ဘတ်စ်ကားကြပ်တယ်၊ မိုးရွာရင် လမ်းတွေပိတ်တယ်။ အင်း….အင်း .။ ခု တော့ ကောင်းကောင်းကြား ရပြီ ။ ဘာဖြစ်တယ်…ဆက်ပြောပါအုန်း။”

                       “ကိုကြီး စိတ်ချနော်။ ကိုကြီ့းပြန်လာရင် သက်ကိုယ်တိုင် လေဆိပ်မှာ လာကြိုမှာ။ ဒါပဲနော် ယီးတီးယားတားတော့ မလုပ်နဲ့ ။ ဒီကဖြင့် သူ့ကို အမြဲစိတ်ပူစိုးရိမ်နေရတာ။ တစ်ခုခု ပေါက်ကရကြား လို့က တော့ ချက်ချင်းလိုက်လာမှတ် ၊ လူကို သူကမသွားတတ် မလာတတ်ဘူး ထင်နေတယ်မလား။ “

လျောကျခရုလေးရဲ့ သောကအမှောင်

လျောကျခရုလေးရဲ့ သောကအမှောင်

                  

                     ဒီတစ်ခေါက် အိမ်ပြန်လမ်းဟာ ကျွန်မတွက် ရင်ခုန်ဖွယ်ကောင်းသလို၊ စိတ်လှုပ်ရှား ကြည်နူးဖွယ်လည်း ကောင်းတယ်။ ဒါပေမဲ့ ငါးနှစ်လောက် အလုပ်လုပ်ခဲ့ဖူးတဲ့ အင်ဒိုနီးရှားနိုင်ငံကို အပြီးအပိုင်စွန့် လွတ်ဖို့ ကျွန်မရဲ့ ဆုံးဖြတ်ချက် အတွက် အတူတူလက်ဖော်ကိုင်ဖက်တွေဆီကတော့ မတူညီတဲ့ မှတ်ချက်ပေးသံတွေ ကြားခဲ့ရပါတယ်။

                             “ဒီလောက် အကြာကြီးလုပ်ခဲ့ ပြီး ရာထူးတစ် နေရလည်း ရနေပြီးမှ ဘာလို့ ပြန်မှာလဲ ချိုရယ် နှမျောဖို့ ကောင်းလိုက်တာ။”

                            “ နောက် အလုပ်သစ် တစ်ခုမှာအခုလို အသားကျဖုိ့ဆိုတာ လွယ်တာ မဟုတ်ဘူး။  နင် ဒီရောက်စက အသက် နှစ်ဆယ်ဝန်းကျင် ၊ အခုဆိုအသက်အစိတ်မှာ ရာထူးတစ်ခုနဲ့ စက်ရုံကလည်း နင့်ကိုအားကိုးနေပြီ။ နောက်ထပ် ငါးနှစ်လောက် ကြိုးစားလိုက်ရင် အသက် သုံးဆယ်လောက်ဆို ဘ၀မှာ အခြေကျနေပြီ။ ဘာလို့ပြန်မှာလဲ။”

                             “ အစ်မကတော့ ချို့ပြတ်သားမူကို အားကျတယ်။ အစ်မဆို ဒီမှာ်လုပ် နေတာ ဆယ်နှစ်လောက် ရှိနေပြီ။ တစ်ခါတစ်လေလည်း စဉ်းစားမိတယ်။ သြော်…..လာတုန်းကတော့ တစ်နှစ် နှစ်နှစ်ဆိုပြီး အလုပ်လုပ်ဖို့ လာလိုက်တာ ။ ဘယ်လို လုပ်ပြီးများ ဆယ်နှစ်အထိနေသွားမိပါလိမ့်ပေါ့။ နောက်ထပ် တစ်နှစ်လောက် တစ်နှစ်လောက်နဲ့ စိတ်က မပြတ်ဖြစ်နေတော့ ခုထိ တာဝန်တွေနဲ့ ပိတုန်း။”

                           ဘယ်လိုပဲ သူတို့ဆီက ကွဲပြားတဲ့ မှတ်ချက်တွေရပါစေ။ တကယ်တမ်း သူတို့သိချင်နေကြတာက မြန်မာပြည်ပြန်ရောက်ရင် ကျွန်မဘာဆက်လုပ်မလဲ ဆိုတဲ့ ကိစ္စပါပဲ။ ကျွန်မညီမလေး  စကော်လား ရှစ်ရတာနဲ့ လေးနှစ်လောက် မိသားစုနဲ့ ခွဲပြီး ကျောင်းတက်ဖို့ ထွက်သွားရာက မကြာခင် အမေက ရက်ဆက်နေမကောင်းဖြစ်ပြီး အိပ်ရာထဲလှဲသွားပါတယ်။ သမီးနှစ်ယောက်စလုံးကို လွမ်းတဲ့ စိတ်နဲ့ ဖြစ်မှာလို့ စသလိုနောက် သလို ပြောသူက လည်း ပြောကြ တာပေါ့။ မိသားစုနဲ့ခွဲပြီး အင်ဒိုနီးရှားရောက်နေတဲ့ ငါးနှစ်ကာလအတွင်း တနှစ်ကို ခွင့်ဆယ်ရက်ပဲ ရပြီး အဲ့ဒီရက်ကလေးပဲ မိဘနဲ့ အတူနေရတာမို့ မေမေက ညီမလေးမရှိတဲ့အချိန် ကျွန်မ ပြန်လာပြီး သူတို့နဲ့အတူနေစေချင်ပါတယ်။ စာပေနယ်မှာ ကျင်လည်နေ တဲ့ ဖေဖေကတော့  ကျွန်မ မွေးမြူလက်စ ကလောင်နာမည်လေးကို ဆက်လက်ရှင်သန်သွားအောင် ကြိုးစားစေချင်တယ်။ ကျွန်မနဲ့ အွန်လိုင်းမှာ စကားပြောဖြစ်တိုင်း

          “ သမီးစာမူတွေ အရင်က မပါဘူးဆို တစ်နှစ်ကို အနည်းဆုံး သုံး၊လေးပုဒ်တော့ ပါတယ်။ ဒီနှစ်ဆို တစ်ပုဒ်မှမပါဘူး။ သမီးကလည်း စာရေးဖို့ အချိန်သိပ်မပေးနိုင်ဘူး။  ရေးသမျှ စာတွေလည်း မကြိုက်လို့ မပေးချင်ဘူးဆိုရင်တော့ တဖြည်းဖြည်း သမီး ကလောင်နာမည်လေး ပျောက် သွားလိမ့်မယ်။ “

                           လို့ ခဏခဏ ပြောလေ့ရှိတယ်။

                           ကျွန်မ ကိုယ်တိုင်ကလည်း ခက်ခက်ခဲခဲတည်ဆောက်ထားရတဲ့ နာမည်လေး ပျောက်မှာ စိုးတာရော သမီ်းနဲ့ အတူနေချင်တယ်တဲ့ မေမေ့ဆန္ဒနဲ့ စာရေးနေတာကို အမြဲ မြင်ချင်တဲ့ ဖေဖေ့ ဆန္ဒကြောင့်ပါ  အိမ်ပြန်ဖို့ ဆုံးဖြတ်ခဲ့တာပါ။ မိဘနဲ့အတူနေဖြစ်တဲ့ အချိန်လေးမှာ မှေးမှိန်စပြုနေတဲ့ ကျွန်မရဲ့ကလောင်နာမည်လေးအတွက်   စာရေးးတဲ့အလုပ် ကို အလုပ် တစ်ခုလို အချိန်ပေးပြီး လေးလေးစားစားလုပ်ဖို့ ကျွန်မရည်ရွယ်ထားတယ်။ ဒါ့အပြင် ကျွန်မည ငါးနှစ်တာလုပ်ခဲ့တဲ့ ဒီဇိုင်နာ အလုပ်ကို ပိုမိုတောက်ပြောင်အောင် မွမ်းမံဖို့  လိုအပ်မယ့် သင်တန်း တစ်ခုခု တက်တာမျိုး လုပ်ရမလား၊ ဒါမှမဟုတ်ကျွန်မ စိတ်တိုင်းကျ ပျော်ရွှင်နိုင်မယ့် စာပေနဲ့ ပတ်သတ်တဲ့ ကိုယ်ပိုင်လုပ်ငန်းတစ်ခုခု လုပ်ရင်ကောင်းမလား  ၊ ဒါမှမဟုတ်လည်း သူငယ်ချင်းတစ်ယောက်နဲ့ အသေးစား ကိုယ်ပိုင်စီးပွားရေးလေးတစ်ခု လုပ်ရင် ကောင်းမလားလို့ မရေမရာ စဉ်းစားနေ မိတယ်။ နောက်ဆုံးတော့ ကျန်တာတွေကို နောက်မှာထားပြီး စာရေးတဲ့ အလုပ်ကိုပဲ ဦးစားပေးလုပ်ဖို့ ဆုံးဖြတ်လိုက် ပါတယ်။

                   ဒါပေမယ့် အင်ဒိုနီးရှားက လုပ်ဖောက်ကိုင်ဖက်များအပါအ၀င် ကျွန်မပတ်ဝန်းကျင်က ကျွန်မစာရေး တယ်ဆိုတာ ကို မသိကြတဲ့ လူတချို့နဲ့  စာရေးတဲ့ အကြောင်းကို ပြောပြဖြစ်တောင် ကျွန်မလိုမထင်မရှား ကလောင်နာမည် ကို လုံးဝသိမှာ မဟုတ်တဲ့ ဒေါ်လာချစ် သူငယ်ချင်းတွေ အတွက်ကတော့ အသင့်တင့် လခကောင်းပြီး ရာထူးလည်းရှိတဲ့ ဒီလိုအလုပ်မျိုးကို စွန့်ပြီး မြန်မာပြည်ကို စာရေးဖို့ ပြန်လာတယ်ဆိုတဲ့ ဆင်ခြေ ကို ပေးရရင် ရင်ဘတ်စည်တီးနဲ့ အတော်ရယ်စရာ ကောင်းတဲ့ ပျက်လုံး တစ်ခု ဖြစ်သွားလိမ့်မယ်နဲ့ တူတယ်။

                        ဒါကြောင့် အင်ဒိုနီးရှားမှာကတည်းက အလုပ်ထွက်စာတင်တဲ့နေ့ကနေ အိမ်ပြန်ဖြစ်တဲ့နေ့အထိ သူတို့အရမ်း သိချင်နေတဲ့ ဘာလို့ အလုပ်ထွက်တာလဲဆိုတဲ့ မေးခွန်းနဲ့ ရန်ကုန်ရောက်ရင် ဘာဆက်လုပ်မှာလဲ ဆိုတဲ့ မေးခွန်းတွေအတွက် ကျွန်မ အသင့်တော်ဆုံးအဖြေအဖြစ် မုသားလည်း မဟုတ်တဲ့

                      “မေမေ ကျန်းမာရေး မကောင်းလို့ ”လို့ ပြောပြီး ဟိုရောက်မှ ကျွန်မဘ၀တွက် သင့်တော်တဲ့ အလုပ် ရှာမယ်လို့ ပြောဖြစ်ခဲ့ပါတယ်။

                     “ ကျွန်မက စာရေးဆရာမလေ တစ်နှစ်မှာ အနည်းဆုံး ၀တ္ထုတို သုံးလေးပုဒ်တော့ မဂ္ဂဇင်းမှာ ပါနေကျ၊ လွန်ခဲ့တဲ့ သုံးနှစ်လောက်က ၀တ္ထုတိုပေါင်းချုပ် တစ်အုပ်တောင် ထုတ်ဖြစ်ခဲ့သေးတာ၊ အခု ဒီရောက်မှ စာမရေးဖြစ်လို့ အစ်မရယ်၊ မနှစ်က တစ်နှစ်လုံး တစ်ပုဒ်မှမရေးဖြစ်ဘူးလေ။ အဲ့ဒါနဲ့ မဖြစ်ချေဘူးဆြို့ပီး အိမ်ကို အပြီးပြန်ပြီး စာပဲရေးတော့မယ်လို့ ဆုံးဖြတ်လိုက်တာ”

                      အဲ့ဒီလို ပြောလိုက်ရင်တော့ အကောင်းသား၊ ဒါပေမဲ့  ကျွန်မ မပြောရဲခဲ့တာ အမှန်ပါပဲ (ပြောများ ပြောခဲ့ရင် လည်း မြန်မာပြည် ပြန်မရောက်ဘဲ အင်ဒိုနီးရှားက စိတ်ရောဂါကု ဆေးရုံတောင် ရောက်ချင်ရောက်နေမှာ……)

                      ဒါနဲ့ပဲကျွန်မရန်ကုန်ရောက်ပြီး တစ်လ နှစ်လ စာရေးဖို့ အားယူတဲ့အချိန်မှာ ကျွန်မလေးစားအားကျရတဲ့ စာရေးဆရာတွေရဲ့စာတွေနဲ့  စာရေးအားကောင်းပြီး အတွေး လေးတွေနဲ့ အဆုံးသတ်တတ်တဲ့ ကလောင်နု လက်ရာရှင်တွေ ရဲ့စာတွေကို  ပိုဖတ်ဖြစ်ခဲ့တယ်။ အရင်တုန်းက ၀တ္ထုတိုတစ်ပုဒ်ကို နှစ်ရက်လောက်နဲ့ အချောသတ် ရေးနိုင်တဲ့ ကျွန်မ အခု စာတစ်ကြောင်းနှစ်ကြောင်းနဲ့ တင်နေ့ဝက်ကုန်ပြီး ရှေ့မဆက်နိုင်တော့ ကိုယ့်ကိုကိုယ် အားမလို အားမရဖြစ်ရတာအမှန်ပါ။ အဲ့ဒီအကြောင်းကို ကျွန်မနဲ့ ပြန်တွေ့တဲ့ စာရေးဆရာတချို့ကိုပြောပြတော့

       “ ဒါတောင် စာရေးပြတ်သွားတာ တစ်နှစ်၊နှစ်နှစ်လောက်ပဲ ရှိသေးတယ်မလား။ ဒီထက် စာရေးပြတ်ရင် သမီးစာရေးရတာ ပိုခက်သွားမှာ။ ခုမှ အစက ပြန်စနေရတော့ အရင်လောက်တော့ မလွယ်သေးဘူးပေါ့။ နောက်တော့ အရှိန်ရသွားပါလိမ့်မယ်။”

                    ကျွန်မနဲ့ ခင်မင်ရင်းနှီးနေတဲ့ စာပေမိတ်ဆွေဆရာတွေရဲ့ အားပေးစကားကို ကြားရတဲ့အခါ စာရေးဖို့ခွန်အားတွေ ပြန် ရခဲ့ပါတယ်။ ဒါပေမဲ့ စာရေးဖို့ ကြိုးစားနေတဲ့ အတောအတွင်း ကျွန်မကို စာနဲ့လူနဲ့ တွဲပြီးသိတတ်တဲ့ ပရိသတ်ကလည်း စာပေနယ်ဝန်းကျင်ကလူတွေပဲ ဖြစ်နေပြီး သူတို့ကကျွန်မစာတွေ မဂ္ဂဇင်းစာမျက်နှာမှာမတွေ့ရတော့တဲ့အခါ ကျွန်မဘာတွေ လုပ်နေလဲဆိုတာကို သိချင်ကြပါတယ်။ ကျွန်မကလောင်ဖူသစ်စတုန်းက အဖေက အိမ်မှာ မရှိချိန် ကိုယ့်စာလေးတွေကို တစ်ယောက်တည်း မရဲတရဲ လိုက်ပေးရချိန် ကျွန်မရေးတဲ့စာလေးတွေကို ဂရုတစိုက်ဖတ်ပြီး မဂ္ဂဇင်း စာမျက်နှာပေါ်တင်ပေးတဲ့ ဆရာ အယ်ဒီတာ တချို့ကလည်း အခု ကျွန်မ ဘာလုပ်နေလဲဆိုတာ ကျွန်မနဲ့ တွေ့တိုင်း အမေးချင် ဆုံး မေးခွန်းတစ်ခုဖြစ်မှာပါပဲ။

                       ဒါက သဘာဝကျပါတယ်။ ဒါပေမဲ့ သူတို့နဲ့ ကျွန်မတွေ့တဲ့အခါ “အခု ဘာလုပ်နေလဲ” ဆိုတာကို ပြန်အဖြေရ အခက်ဆုံး မေးခွန်းဖြစ်နေပါတယ်။

                       “ကျွန်မ ၀တ္ထုတွေပြန်ရေးနေတယ်၊ ဒါပေမဲ့ စိတ်တိုင်းမကျလို့ ဘယ်မှမပေးဖြစ်သေးဘူး”

                        လို့ ခပ်တည်တည်နဲ့ အဲ့ဒီလိုပြောလိုက်ရမလား။

                        “စာ ကြိုးစားရေးရင်း အလုပ်တစ်ခုရှာလုပ်ရမလား စိတ်ကူးနေတာ ဆရာရယ်၊ ကိုယ်က အရင်တုန်းက မိဘ ကို ပိုက်ဆံမှန်မှန်ပေးနိုင်ခဲ့ရာကနေ အခု လက်ပြန်ဖြန့်နေရရင် သိပ်မဟုတ်သေးဘူးလေ”

                            လို့ ကျွန်မစိတ်ထဲ မကြာခဏပေါ်လာတဲ့ အတွေးအတိုင်း ပြောလိုက်ရမလား။ဒါပေမဲ့ ကျွန်မတကယ် ပြောလိုက် ဖြစ်တာကတော့

                             “ဘာမှတော့ မလုပ်ဖြစ်သေးပါဘူး၊ စာပြန်ရေးမလို့ ကြိုးစားနေတုန်းပါပဲ…ဆရာ” ရယ်လို့ အထစ်ထစ် အငေါ့ငေါ့ မပြေမပြစ် အဖြေပေးဖြစ်တာပါပဲ။

                             ကျွန်မကိုယ်တိုင်လည်း ကိုယ့်ကို စင်တင်ပေးခဲ့တဲ့ မဂ္ဂဇင်း နဲ့ တခြား ရေးနေကျနေရာတွေမှာ အရင်ကထက် ကောင်းတဲ့ စာတွေ ဖော်ပြခွင့်ရအောင် ကြိုးစားချင်တဲ့ ဆန္ဒရှိပါတယ်။ ဒါပေမဲ့ စာတွေပြန်ကြိုးစားရေးရင်း စိတ်တိုင်းမကျတဲ့အခါ ကျွန်မဟာ စာပေဥယျာဉ်မှူးတွေ   ပြုစုပျိုးထောင်သလောက် အောင်မြင်တဲ့ ပန်းတစ်ပွင့် ဖြစ်လာရဲ့လား ဆိုတာ ကျွန်မကိုယ်ကျွန်မ သံသယရှိနေမိတယ်။ ဒါကြောင့် အများက အထူးသဖြင့် ကျွန်မကို ၀ိုင်းဝန်းပြုစု ပျိုးထောင် ပေးခဲ့သူများက ကျွန်မကို အခုဘာလုပ်နေလဲလို့ မေးလာတဲ့အခါတိုင်းမှာ  ကျွန်မရဲ့ အချိန်တွေကို စာပြန်ရေး ဖို့ ကြိုးစားခြင်းနဲ့ အသုံးချနေတယ်လို့ ပြန်ဖြေရမှာ ၀န်လေးနေမိတာပါ။  ဒါကြောင့် ကျွန်မကို “ အခု ဘာတွေလုပ်နေလဲ “ လို့ အမေးခံရမှာ ကို အကြောက်ဆုံးဖြစ်တဲ့ အကြောင်းကို ကျွန်မကလွဲပြီး ဘယ်သူက သိနိုင်မှာလဲ။

                     ဒီလိုနဲ့ ရန်ကုန်ပြန်ရောက်ပြီး သုံးလေးလသာ ကုန်သွားတယ်။ ကျွန်မ ဘယ်မဂ္ဂဇငိးကိုမှလည်း စာမူမပို့ဖြစ်ပဲ ရေးလိုက် ၊ ခြစ်လိုက်နဲ့ တကိုယ်တည်း ၀တ္ထုရေးပွဲကိုသာ တိတ်တဆိတ် ဆင်နွဲနေမိပါတယ်။ အဲ့ဒီအချိန်မှာ ကျွန်မရဲ့ သူငယ်ချင်း က အင်္ဂလပ်စကားပြောသင်တန်းတစ်ခုကို လိုက်တက်ဖို့ ခေါ်ပါတယ်။ အင်ဒိုနီးရှား ဘာသာစကားကို အရေးရော၊ အပြောရော ငါးနှစ်လောက် ဌာနေတိုင်းရင်းသားတွေ ကြားမှာအချိန်တိုင်းသုံးလာခဲ့တာမို့ အင်္ဂလိပ်စာမှာ ပြန်အားနည်းသွားတာ ကိုယ့်ဖာသာ သိနေတဲ့ ကျွန်မတွက်တော့ လေ့လာသင်ယူသင့် တဲ့ သင်တန်းတစ်ခုပါ။ 

                         ဒါပေမယ့် ကြိုးစားပြီး ၀တ္ထုရေးမယ့် အချိန်တွေကိုဖဲ့ ပေးလိုက်ရမှာ စိုးပြီး သူ့သင်တန်းကို စိတ်မ၀င်စားဟန်နဲ့ ငြင်းလိုက်ပါတယ်။ ကျွန်မအကြောင်းသိတဲ့ သူ ၊တနည်းအားဖြင့် ကျွန်မစာဖတ်ပရိသတ်လည်းဖြစ်တဲ့ သူငယ် ချင်းက   

                     “အပိုတွေလုပ်မနေနဲ့။ နင်သင်တန်းမတက်ဖြစ်လည်း စိတ်မပါပဲရေးနေရင် ဘာဝတ္ထုမှ ဖြစ်လာမှာမဟုတ်ဘူး။ ပြီးတော့ အခု သင်တန်းက နင်တို့လို စာရေးတဲ့ သူတွေတွက်အရမ်းသင့်တော်တယ်။ သဘာဝပတ်ဝန်းကျင်ထိန်းသိမ်းရေးနဲ့ ကမ္ဘာ့ပြဿနာတွေအကြောင်းကို အင်္ဂလိပ်လို ပရဲဇင့်တေးရှင်း လုပ်တဲ့သင်တန်း ၊ အဲ့ဒါ တစ်ခါတည်း နင်စကားပြော လည်းတတ်တယ်။ ကိုယ့်ကို ကိုယ်လည်း ယုံကြည်မူ ရှိလာမယ်။ ပြီးတော့ အပတ်စဉ် ဆရာမပေးတဲ့ ခေါင်းစဉ်အောက်မှာ  ၊ သတင်းတွေ အချက်အလက်တွေကို  အင်တာနက်ကနေ ကိုယ့်ဖာသာ ရှာပြီး မှတ်စုထုတ်ရလို့ ဗဟုသုတလည်း ရလာမယ်။ ဒီသင်တန်းမှမတက်ရင် ဘယ်သင်တန်းတက်အုန်းမှာလဲ။ ”

                       သူပြောနေတာလည်း ဟုတ်နေတာပဲ။ ဒါ့အပြင် တကယ်နိုင်ငံခြားသားအစစ်(native speaker) နဲ့သင်ပြီး အသိအမှတ်ပြုလက်မှတ်(certificate) လည်းရအုန်းမယ့် ဒီအခွင့်အရေး ကို ကျွန်မလက်မလွတ်ချင်တာကြောင့် သူပြောသလိုပဲ သူနဲ့အတူ သင်တန်းလိုက်တက်ဖြစ်ပါတယ်။ တကယ်တမ်း သင်တန်းမှာ လူတွေအားလုံးက အသက်ကန့်သတ်မ ထားလို့ ကျောင်းသားတွေရော၊ အလုပ်ခွင်ထဲက လူကြီးတွေရော အရွယ်စုံပါကြပေမယ့် အင်္ဂလ်ိပ်စာ အခြေခံကတော့ အတော်လေး ကောင်းကြတာမို့ အရည်အချင်းတွေအားလုံးက သူမသာ ကိုယ်မသာ။ အားလုံးထဲမှာ ကျွန်မကသာ အင်္ဂလိပ်စာ သဒ္ဒါ(ဂရမ္မာ) တွေမေ့ပြီး စာကြောင်းတွေလည်းမဆက်တတ်တာမို့ လူတွေရှေ့မှာ စကားထွက်ပြောတိုင်း အရှက်မကွဲရအောင် အိမ်မှာ ကတည်းက မှန်ရှေ့မှာအခါတစ်ရာလောက်ကြိုပြီးလေ့ကျင့်ရသူပါ။ သူများတွေ ပရိုနမ်ဇေးရှင်းက အမေရိကန်လို အနောက်နိုင်ငံကြီး တစ်ခုခုကိုများ ရောက်နေသလားလို့ ထင်မှတ်မှားရလောက်အောင် ရွှတ်ရှက်ဒွက်ဒင်ကြတာကို အံ့သြငေးမောရတိုင်း ကျွန်မအလှည့်မှာတော့ ပုဇွန်တောင်ဈေးရှင်းအဆင့်နဲ့ လူတန်းစေ့အောင် မနည်းကြိုးစားရတယ်။ တစ်ပတ်မှာသုံးရက်တက်ရတဲ့ အဲ့ဒီသင်တန်းမှာ တစ်ယောက်တည်း ရွေးချယ်ပြီးပြောရတဲ့ ခေါင်းစဉ်အတွက် အိမ်ကနေ ကြိုတင်ပြင်ဆင်သွားခွင့်လည်းရသလို အချိန်ကလည်း  နှစ်မိနစ်မှ ငါးမိနစ်အတွင်းမှာပဲ ပြောရတာမို့  ကျွန်မကြိုတင်စိုးရိမ်ခဲ့တဲ့ အခက်အခဲတော့ မရှိပါဘူး။   ဒါပေမယ့်  debate (ခေါ်)စကားရေလုပြိုင်ပွဲမှာတော့ အုပ်စုနှစ်စုခွဲ ထားတာမို့ ကိုယ့်တစ်ယောက်တည်းကြောင့် ကိုယ့်တစ်ဖွဲ့လုံးရှုံးမှာ ၊အမှတ်နည်းမှာ မလိုလားတဲ့ အတွက် ကြိုးစားအချိန်ပေး လေ့လာရပါတယ်။ ဒါကြောင့် တစ်ပတ်တစ်ခါလုပ်တဲ့ အဲ့ဒီစကားရေ လုပြိုင်ပွဲမှာ ပြိုင်ဖက်အဖွဲ့ကိုအနိုင်ရဖို့ အင်တာနက်ကနေတဆင့် သက်ဆိုင်ရာ ဆွေးနွေးလိုတဲ့ ခေါင်းစဉ်နဲ့ပတ်သတ်သမျှ အချက်အလက်တွေ ရှာဖွေလေ့လာကျက်မှတ်ရင်းနဲ့ သင်တန်းတက်တဲ့ သုံးလတာ ကာလအတွင်း စာပြန်ရေးမယ်ဆိုတဲ့ ကျွန်မရဲ့အိပ်မက်ကလေးက ရေစုန်မျောသွားပါလေရော။ အဲ့ဒီကာလမှာလည်း လူတွေနဲ့ တွေ့ရင်  ကျွန်မအကြောက်ဆုံး မေးခွန်းက ပိုပြီးတော့တောင် အရှိန်မြင့် ခြောက်လှန့်လာနေပါရောလား။

                                 “စာတွေလည်း မတွေ့ဘူးနော်၊ အပြီးပြန်လာတာဆို အခု ဘာလုပ်နေတာလဲ”

                                    ဆိုတဲ့ မေးခွန်းမျိုးပေါ့ ၊ ဒီလိုနဲ့ ကျွန်မအိမ်ပြန်ရောက်တာ ငါးလသာကြာသွားတယ်။ ဟိုတစ်စ ၊ ဒီတစ်စ မပြီးမပြတ်တဲ့ ၀တ္ထုတွေကို အဆုံးမသတ်ရသေးသလို၊ သင်တန်းတက်လိုက်တော့လည်း ထင်တဲ့အတိုင်း စာရေးဖို့ ကြိုးစားအားယူနေတဲ့ ကျွန်မ ရဲ့ အချိန်လေးတွေကို မဖြစ်မနေဖဲ့ပေးလိုက်ရတာပါပဲ။ စာရေးခြင်း အတတ်ပညာက သင်တန်း ဖွင့်ပြီး ကျွမ်းကျင်တတ်မြောက်ပါကြောင်း  certificate (သင်တန်းဆင်း လက်မှတ်) နဲ့ သင်ကြားပို့ချပေးလို့ ရတာမျိုးမဟုတ်သလို၊ စာပေနဲ့ ပတ်သတ်တဲ့ အသက်မွေးဝမ်းကျောင်းအလုပ်ကို လည်း “ရော.အင့် “ ဆိုပြီး လက်ထဲ အတင်းထည့် ရာထူးလွဲလို့ ရတာမျိုးမဟုတ်ပါဘူး။ ဒါကြောင့် စာပေကို မချစ်တတ်သူတွေ၊ စာဖတ်ခြင်းကို မနှစ်သက်သူတွေနဲ့ တွေ့တိုင်း ကျွန်မဘ၀ ရဲ့လက်ရှိအနေအထား အတွက် သူတို့မေးတဲ့မေးခွန်းတစ်ချို့မှာ နှုတ်ဆွံအနေရဆဲပါ။

                                  “သင်တန်းမှာ ယူက အင်ဒိုမှာ အလုပ်လုပ်ဖူးတယ်လို့ မိတ်ဆက်သွားတယ်နော်။ ဘာအလုပ်ခဲ့ တာလဲ။ ” သင်တန်းတက်ဖက် သူငယ်ချင်းအသစ်လေးက ကျွန်မကို စိတ်ဝင်စားစွာ အင်တာဗျူးပါတယ်။

                                   “ဒီဇိုင်နာပါ”

                                     “ ဟယ် မိုက်တယ်”

                                    “ဒါပေမယ့် တို့က underwear ဒီဇိုင်နာ။ outwear ဆို မကျွမ်းလှတော့ ပြန်လုပ်စားဖို့ မလွယ်ပါ ဘူး“

                                    “ဟုတ်လား။ ဒါဆို ယူအခု ဘာလုပ်နေလဲ”

                                    “ အခု လောလောဆယ်တော့ စာရေးဖို့ စိတ်ကူးထားတယ် ”

                                    “ စာရေးတယ်ဟုတ်လား။ နာမည်အရင်းနဲ့ပဲ ရေးတာလား။ ဘာတွေရေးတာလဲ“

                                     ကျွန်မက ကလောင်နာမည်ကို ပြောပြပြီး၊ ဘ၀ထဲက ဖြစ်ပျက်လေ့ရှိတဲ့အကြောင်းတွေကို စိတ်ကူးနဲ့ ပုံဖော်ပြီးရေတဲ့ အကြောင်းပြောတော့ သူက နှုတ်ခမ်းလေးဆူရင်း။

                                      “ယူ့ကလောင်နာမည်ကလည်း ရိုးလိုက်တာ။ တို့တော့တစ်ခါမှ မကြားဖူးဘူး။ ဟီဟီ ။တကယ်ဆို နာမည်ရင်းလေးကမှ ပိုလှသေးတယ်။ ပြီးတော့ ဘ၀သရုပ်ဖော်ဆိုတာ ဘာကို ပြောတာလဲ။ တို့ကို ရှင်းပြပါအုန်း။ နားမလည်လို့“

                                      သူနားလည်အောင် ဘယ်လိုထပ်ရှင်းရမှန်းမသိတာနဲ့ နာမည်ကြီး ဘ၀သရုပ်ဖော်စားရေးဆရာ သုံးလေးယောက်နာမည်ကို ရွတ်ပြရင်း ၊သူတို့ရေးတဲ့ ၀တ္ထုဇာတ်လမ်းတွေကို အကျဉ်းချုန်းပြီးပြောပြလိုက်တော့ သူထပ်ပြောလာတဲ့ စကားကြောင့် ကျွန်မကိုယ့်နဖူးကိုသာ ရိုက်ချလိုက်ချင်ပါတော့တယ်။

                                       “ သူတို့ကိုလည်း တစ်ခါမှ မကြားဖူးလို့၊ သူတို့ ဘာတွေရေးမှန်း မသိဘူး။ ဖတ်လည်း မဖတ်ဖူးဘူး”တဲ့လေ

                                      ကျွန်မသင်တန်းတက်တဲ့ ကာလမှာ တွေ့တဲ့လူတွေက တော်ကြပါတယ်။ ထက်မြက်တဲ့ အရည်အချင်းနဲ့ ခေါင်းဆောင်နိုင်ကြပါတယ်။ နူကလီးယားအကြောင်း ၊ နူကလီးယား ဘယ်လိုဖြစ်လာတယ်။ နူးကလီးယားကို သုံးခြင်းဖြင့် ဘယ်လို အကျိုးဆက်ကောင်းနဲ့ ဆိုးတွေဖြစ်လာနိုင်သလဲဆိုတာ ချက်နဲ့လက်နဲ့ ပြောပြနိုင်တဲ့ သူတွေဖြစ်ပါတယ်။ (နူကလီးယားကို ဘယ်လို ဖန်တီးထုတ်လုပ်တယ်ဆိုတာတောင် သိချင်သိမယ့်သူတွေ) ဒါ့အပြင် ဓါတ်မြေသြဇာသုံးခြင်းဖြင့် အပင်တွေ ကြီးထွားမူနှုန်းမြန်ဆန်ပြီး ၊သီးနှံတွေ အထွက်နှုန်းတိုးပေမယ့် လူတွေအတွက် ဘေးဥပါဒ်အန္တရာယ် နဲ့ မမြင်ရတဲ့ ရောပါကပ်ဆိုးတွေကို အပင်တွေကတဆင့် ရလာနိုင်ကြောင်းပြောတဲ့ အစီရင်ခံ တင်ပြချက်တွေ က တကယ့် အံ့မခန်းပါပဲ ။       ဒါပေမယ့် အမျိုးသာစာပေဆုရ နာမည်ကြီးစာရေးဆရာမရဲ့နာမည်အပြင်၊လက်ရှိ ဘ၀သရုပ်ဖော် လိုင်း မှာအောင်မြင်နေဆဲ ဖြစ်တဲ့ စာရေးဆရာ၊ ဆရာမတွေရဲ့ စာတွေနာမည်တွေ ကို မကြားဖူးဘူးဆိုတာကတော့ ကျွန်မသူတို့ကို အလွန် စိတ်ပျက်သွားမိ ပါတယ်။ ဒီလိုဆိုတော့လည်း  ကျွန်မကို သူတို့မသိလည်းအရေးမကြီးတော့ပါဘူး။ ကျွန်မစာတွေ မဖတ်ဖူးလည်း အထူးအဆန်း ဖြစ်မနေတော့ပါဘူး။ ကျွန်မလေးစားအားကျ ရတဲ့ စာရေးဆရာတွေရဲ့နာမည်တွေကိုတောင် ရိုးရိုးမကြားဖူး တာတောင်မဟုတ်၊ တခါမှကို မကြားဖူးတာတဲ့။ သူတိွု့ သိသည်ဖြစ်စေ၊ မသိသည်ဖြစ်စေ၊ ကြားဖူးသည် ဖြစ်စေ၊ မကြားဖူး သည်ဖြစ်စေ။ စာရေးဆရာ ဆိုတာ ကတော့ ကိုယ်မွေးမြူခဲ့တဲ့ ကလောင်နာမည်လေး ဆက်လက်ရှင်သန်ဖို့အတွက် ကိုယ့်မှာ တာဝန်အရှိဆုံး။ ဒီလိုပဲခံ ယူခဲ့လို့ ရှေ့ကဆရာ၊ဆရာမတွေက လည်း ကျွန်မတို့လေ့လာနိုင်မယ့် အတုယူနိုင်မယ့် စာတွေ အများကြီး  ချန်ထား ပေးခဲ့တာ ပါ။ စာရေးဆရာ ချပြတဲ့ စေတနာကို မြင်နိုင်ဖို့ဆိုတာ ရေးသူမှာ အစွမ်းအစရှိဖို့ လိုသလို၊ ဖတ်သူမှာလည်း စိတ်ဝင်စား မူလိုပါတယ်။ ကရားအိုးထဲ ဘယ်လောက်ပြည့်ပြည့် ခံတဲ့ခွက်က သေးလွန်းနေရင်လည်း ဘယ်လို ဖြည့်ပေးလို့ ရမလဲနော်။

                         “ ဘာကြောင့် စာရေးဆရာလုပ်တာလဲ လို့မေးရင် ငါတို့ကအများနဲ့ မတူပဲစိတ်ထားနူးညံ့လို့ကွ ၊ ပြီးတော့ ငါတို့မှာ စိတ်ကူးတွေကို ပုံဖော်နိုင်တဲံ့ အစွမ်းသတ္တိရှိလို့ ပေါ့လို့ ခပ်ရဲရဲကြီးဖြေလိုက်စမ်းပါ။ ငါတို့တွေ က အောင်မြင်အောင် ရေးနေတာမဟုတ်ဘူး။ ပိုက်ဆံရအောင်လည်း ရေးနေတာမဟုတ်ဘူး။ မရေးပဲ မနေနိုင် လို့ ရေးနေရ တာလို့ ပြောလိုက်စမ်းပါကွာ”

                           တက္ကသိုလ်မှာကျောင်းတက်တုန်းက ကျွန်မ ၀တ္ထုလေးတွေ တစ်ပုဒ်စ ၊နှစ်ပုဒ်စ မဂ္ဂဇင်းမှာ ဖော်ပြခံရစဉ် ၊ စာရေးတဲ့ နေရာမှာရော၊ အတန်းမှာပါ စီနီယာကျသူ အစ်ကို တစ်ယောက် သူ့ကောင်မလေးနဲ့ စကားများစဉ်မှာ အားပေးခဲ့တဲ့ သူငယ်ချင်းအစ်ကို ကြီးရဲ့ စကားက ခုထိ ကျွန်မနားထဲမှာ ကြားမိနေဆဲပါ။ သူပြောတဲ့ စကားတိုင်းက မှန်လွန်းလှပါတယ် ။ ဒါကြောင့်လည်း ကျွန်မနားထဲ စွဲနေခဲ့တာပါ။ ဒါပေမဲ့ အခုတော့ သူတို့ကို စာပေနယ်မှာ မတွေ့ရတော့လုိ့ တခြား ကလောင်နာမည် သစ် တွေနဲ့များ စာတွေဆက်ရေးနေသေလားလို့ တွေးမိပါသေးတယ်။ ဘယ်လိုပဲ ဖြစ်ဖြစ် စာရေးဆရာ ဆိုတာ သူပြောသလိုပဲ စာမရေးပဲ မနေနိုင်လို့၊ စာရေးချင်လွန်းလို့ ရေးနေကြတဲ့လူတွေမဟုတ်လား။ ဒါဆို စာရေးဆရာလို့ ခံယူထားတဲ့ ကျွန်မကရော “ ဘာလုပ်နေလဲ” လို့မေးခံရရင် “ စာရေးနေတယ်” လို့ ပြန်ဖြေရမှာ ဘာကိုမှ အားငယ်စရာ။ သိမ်ငယ်စရာ၊ ရှက်ရွံစရာမလိုဘူး လို့ ထင်ပါတယ်လေ။

                           တစ်ရက်တော့  အသိတစ်ယောက်ရဲ့အလှူကိုသွားရင် တစ်ခါမှ မမြင်ဖူး ၊မဆုံဖူးတဲ့ လူတွေနဲ့ အတူတူ တစ်ဝိုင်းတည်း ထိုင်ဖြစ်တယ်။ သူတို့က ထိုင်ဝမ် (တရုတ်-တိုင်ပေ)ကို သွားလိုက်၊လာလိုက် အလုပ်လုပ်နေသူမို့ အလှူရှင်က နိုင်ငံခြား အတွေ့အကြုံရှိတဲ့ ကျွန်မနဲ့ မိတ်ဆက်ပေးပါတယ်။ ထိုသူက

                            “ အဲ့ဒီလို ပြန်လာတဲ့သူတွေက လခစားလည်းမလုပ်နိုင်ဘူး။ ကိုယ်ပိုင်လုပ်ငန်းလုပ်ဖို့လည်းအဆင်မပြေ တော့ နောက်ဆုံး အရင်အလုပ်ရှိရာ ကို ပဲ ပြန်ထွက်ကြရတာပါပဲ။  ကျုပ်တို့ အသိတွေထဲမှာလည်း အဲ့လိုကြီးပဲ ။ မဟုတ်ရင် ဒီမှာ ဘာလုပ်ရမှန်းမသိပဲ ယောင်တောင်တောင် ဖြစ်နေမှာလေ.။ ဟုတ်တယ် မဟုတ်လားဗျာ။ ”

                              တစ်ခါမှမတွေ့ဖူးတဲ့ သူရဲ့ မိတ်ဖြစ်ဆွေဖြစ်  စကားက ကျွန်မကို ရေလိုက်ငါးလိုက် ပြောစေချင်တာကို မသိကျိုးကျွံပြုရင်း

                           “ ပြန်ထွက်ဖြစ်တယ်၊မထွက်ဖြစ်ဘူး ဆိုတာတော့ ကျိန်းသေပြောလို့ မရသေးပါဘူး။ ဒါပေမယ့် သွားဖြစ်ရင်တော့ အရင်အလုပ်ရှိရာကိုတော့ ပြန်သွားဖြစ်မယ်မထင်တော့ပါဘူး။ ခုလောလောဆယ်တော့ စာတွေရေးနေလို့ ကျွန်မ ယောင်တောင်တောင် ဖြစ်ဖို့ အချိန်တောင်မရှိပါဘူးရှင်။ ’

                               ကျွန်မစကားကို ကြားတော့ သူတို့လည်းအနည်းငယ်အံ့အားသင့်သယောင်၊ အိမ်ရှင်ကလည်း အားနာပါးနာနဲ့ ကျွန်မရဲ့မှုန်ဝါးဝါးကလောင်နဲ့ မိတ်ဆက်ပေးတာကို တ၀ိုင်းလုံးက လူတွေရဲ့ မျက်လုံးက အကဲခတ်သလို ကျွန်မဆီ စုပြုံရောက်လာတယ်။ ကျွန်မ မသိကျိုးကျွံပြုလိုက်တယ်။ ဒီတစ်ခါတော့ ကျွန်မစာရေးဆရာမတကယ်ပီသသွားပြီနဲ့ တူတယ်။ နောက်ဆုံးတော့ အိမ်ပြန်ရောက်တဲ့အခါ  ကျွန်မရဲ့အပြီးမသတ်နိုင်တဲ့ ၀တ္ထုတွေကို ခဏဘေးချထားပြီး ရင်ထဲမှာ ရှိတဲ့ အတိုင်း ခုဝတ္ထုကို ရေးချပစ်လိုက်ပါတယ်။

             တကယ်လို့ ဒီဝတ္ထုလေး မဂ္ဂဇင်းစာမျက်နှာပေါ်မှာ ပါလာခဲ့ရင် ပထမဆုံး အယ်ဒီတာကို ကျွန်မကျေးဇူးတင်ရမှာပါ။ ပြီးတော့ ကျွန်မကို စာရေးဖို့ အမြဲ အားပေးနေတဲ့ ဖေဖေနဲ့ ကျွန်မလေးစားရတဲ့ စာရေးဆရာတွေအပြင်၊ စာတွေဆက်ရေးဖို့ အမြဲ သတိပေးနေတဲ့ စာရေးဖော် မိတ်ဆွေမောင်နှမတွေကို ကျေးဇူးတင်ရမှာပါ။ သြော် ..ပြီးတော့ အရေးကြီးဆုံးလူကတော့ ကျွန်မနဲ့ တွေတိုင်း ဘာတွေလုပ်နေလဲ လို့ မေး နေတဲ့သူတွေအတွက် ဒီဝတ္ထုလေးတစ်ပုဒ် ဖြစ်အောင် ကူညီသူ များ အဖြစ် ကျေးဇူးတင် ကြောင်း ကြုံတိုင်း ပြောလိုက်ပါရစေရှင်။           ။

                      

                                                                                                                  (ကလျာ မဂ္ဂဇင်း သြဂုတ်လ ၂၀၁၂)

ရေကြည်သော်လည်း မြက်မနုရာ-၅

                         ကျွန်မတို့ရဲ့ နမူနာအခန်းလေးထဲမှာ ထုတ်ပိုးဌာန(packing)မှ ပို့ထည်ပစ္စည်းတွေကို တံဆိပ်တပ်ထားတဲ့ အင်္ကျီချိတ်ကလေး တွေမှာ ချိတ်သူချိတ်၊ ချိတ်ပြီးသားအထည်တွေကို ပလက်စတစ်အိတ်အကြည်ရောင်လေးတွေထဲထည့်ပြီး တိတ်နဲ့ ပြန်ကပ်တဲ့သူကပ်၊ အဲ့ဒီထုတ်ပြီးသား အထည်တစ်ထည်ချင်းစီကို သတ်မှတ်ထားတဲ့ အရောင်နဲ့အရွယ်အစားပါဝင်တဲ့ ကတ်ထူပုံး(ကတ်ထူးပုန်း) တွေထဲ စီကာရီကာ ထည့်သူထည့်နဲ့ အလုပ်ရှုပ်နေပါတော့တယ်။ မျက်နှာချင်းဆိုင် စားပွဲမှ အကြီး မေလင်း တစ်ယောက်က စန္ဒီ၊ ရိုစီတို့နဲ့ အတူထိုင်ပြီးအလုပ်လုပ်ရင်း စကားပြောနေသလို၊ ကျွန်မတို့ လူငယ်ဝိုင်းမှာလည်း အိပ်ပြန် ချင်ဇောနဲ့ အလုပ်တွေ ခပ်သွက်သွက် လုပ်နေရင်းမှ အင်ဒိုနီးရှားမလေးတစ်စုနဲ့ ကျွန်မနဲ့ တစ်ယောက်အကြောင်းတစ်ယောက် စပ်စုမိကြသေးတယ်။ အကြီးမေလင်း ကြားသွားမှာလည်း ကြောက်ရသေးတော့ တီတိုးတီတိုး သဖန်းပိုး လုပ်နေကြတာပေါ့။ သူတို့တွေကလည်း နေ့စားအလုပ်သမား ခပ်ငယ်ငယ် လေးတွေ ဆိုတော့  ရွယ်တူ ဖြစ်တဲ့ ကျွန်မနဲ့ နီးနီကပ်ကပ်နေရတုန်း သူတို့ သိချင်သမျှ အရာအားလုံး တစ်ယောက် တစ်ခွန်း မေးလို့ မဆုံး ဖြစ်နေကြတယ်။  အဲ့ဒီထဲမှာ ထူးထူးဆန်းဆန်းမေးတတ်တဲ့ ဇေဇေက

                       “ ချယ်ရီ တို့ မြန်မာလူမျိုးတွေအားလုံး ကိုယ်လုံးကိုယ်ပေါက် အရမ်းကြည်လို့ ကောင်းတယ်နော်၊ ဘာ တွေ စား လို့လဲဟင်” တဲ့။                        

                        ကျွန်မကလည်း စချင်တာနဲ့ နာဆီ(ထမင်း)နဲ့ သလာဆေး(ငပိ)လို့ ဖြေတော့ ဘယ်သူမှမယုံကြတဲ့ အပြင် သူတို့ ငပိစားတာကို မကြိုက်လို့ ကျွန်မကတမင်ရွဲ့ပြောနေတာလို့ ထင်နေကြသေးတယ်။ သူတို့စိတ်ထဲမှာ မြန်မာလူမျိုးတွေက သူတို့ မကြာခဏမြင်နေရတဲ့ ဖစ်လပင်းတွေစားနေကျ ပေါင်မုန့်၊ပူတင်း နဲ့ စပါကတီ(အီတလီ ခေါက်ဆွဲ) တို့စားရင်း အသက်ရှင်ကြ တယ် လို့ အောက်မေ့မိ ကြောင်း ပြောပြပါတယ်။ ညဆယ်နာရီထိုးလာတော့ အကြီးမေလင်းက အတူကူလုပ်နေတဲ့ ရုံးခန်းကကလေး တွေကို ပြန်လွှတ် လိုက်တာမို့ သူနဲ့ကျွန်မတို့ သုံးယောက်ပဲ နမူနာအခန်းမှာ ကျန်ခဲ့ပါတော့တယ်။ နောက်တော့ကျွန်မတို့လည်း နမူနာ အခန်းကို မီးပိတ်၊ တံခါးပိတ်ပြီး ကိုယ့်အိတ်ကလေးတွေ ကိုယ်လွယ်ကာ ထုတ်ပိုးဌာန(packing) ဘက်ကို၊ ကူးလာခဲ့တယ်။ ကျွန်မ စိတ်ထဲသူတို့ နှုတ်ဆက်ပြီး ပြန်ကြတော့မယ်လို့ ထင်လိုက်မိသေးရဲ့။ တကယ်တော့ အဲ့ဒီလိုမဟုတ်ပဲ ကျွန်မတို့အိတ်တွေကို ဗီရိုတစ်ခုထဲမှဲာ စုစည်းထည့်ထားပြီး ၊ ပစ္စည်းတွေ အားလုံးပို့တဲ့ ကားတွေထွက်ပြီးချိန်မှ ပြန်ကြရမှာမို့ ထုတ်ပိုးဌာန(packing) ဘက်မှာ လာကူရူခြင်း ဖြစ်ကြောင်း ရိုစီကပြောပြပါတယ်။

                        ပတ်ကင်ဌာနမှာ အင်နဲ့အားနဲ့ ထုတ်ပိုးရတာမျိုးမို့ ယောကျာ်းလေးအင်အားများသလို၊ မြန်မြန်သွက်သွက် လုပ်ရတဲ့ တချို့နေရာတွေကျမိန်းကလေးခပ်ငယ်ငယ်များ အိမ်မပြန်နိုင်သေးပဲ အလုပ်လုပ် လျှက် ရှိတာကိုတွေ့ရပါတယ်။ အကြီး မေလင်းမှ အစ ကျွန်မတို့လေးယောက်လည်း နမူနာအခန်းထဲမှာလို စားပွဲလေးမှာ ထိုင်ပြီး ချိတ်ကလေးတွေမှာ အထည်လေးတွေ ချိတ်ပြီး ထုတ်ပိုး ရတာမျိုးမဟုတ်ပဲ လိုအပ်တဲ့ ကောင်တာမှာ လိုအပ်သလိုကူညီပေးဖို့ အဆင်သင့် ဖြစ်နေကြတယ်။ ကျွန်မလည်း ကိုယ်နံဘေးကလူလုပ်သမျှ လိုက်ကြည့်ပြီး ၀ယ်သူ(buyer)အမျိုးမျိုးနဲ့ သူ့တံဆိပ်အလိုက်၊ညွှန်ကြားတဲ့အတိုင်း ကူညီထုတ်ပိုးပေး ရပါတယ်။ ၀ယ်သူ (buyer) အလိုက် ထုတ်ပိုးပုံတွေကလည်း မတူတော့ ညနက်သန်းခေါင် မှာတောင် အိပ်မငိုက်ရဲပဲ အမှားအယွင်း မရှိအောင် သူတို့ပြောသလို ကူညီထုတ်ပိုးပေးရတယ်။ ကျွန်မကလူသစ်ပေမယ့် နမူနာအခန်းကလာတာဖြစ်ပြီး  ကိုယ့်အခန်းက လူကြီးတွေဖြစ်တဲ့ အကြီးတို့ ကိုယ်တိုင် အလုပ်သမားတွေကို ကြီးကြပ်နေတာမို့ သူတို့ရှေ့မှာ အချောင်လုံးဝ မခိုဝံ့သလို  မှားလည်း မမှားရဲပါဘူး။ ဒါ့အပြင် ဦးနှောက်သုံးပြီး လုပ်ရတာမဟုတ်ပဲ လုပ်အားစိုက်ရတဲ့ အလုပ်ပေမဲ့ အရာရာကို သတိထားပြီး ခပ် သွက်သွက်လေး ကူညီရပါတယ်။ အကြီးမေလင်းနဲ့ ထုတ်လုပ်မူက ခေါင်းဆောင် အမျိုးသမီးတို့ တိုင်ပင်ပြီး ကျွန်မတို့အားလုံးကို ခဏနားဖို့အတွက် နာရီဝက် အချိန်ပေးလိုက်ပါတယ်။ အဲ့ဒီအချိန်မှာတော့ ကျွန်မရဲ့လက်ပတ်နာရီလေးရဲ့လက်တံက ညဆယ့်နာရီ ကို ညွှန်ပြနေပါပြီ။ ကြမ်းပြင်ပေါ်မှာ ပိတ်စခင်းပြီး လှဲသူကလှဲ၊ စားပွဲအရှည်ကြီးပေါ် ခြေဆင်းထိုင်သူထိုင်  တချို့ကလည်း နံရံမှာ ကျောမီပြီး ဖုန်းထဲမှ သီချင်းသံကို နားကြပ်လေးနဲ့ နားထောင်သူထောင်ရင်း ခဏနားကြပါတယ်။ အဲ့ဒီအချိန် စန္ဒီက ကျွန်မတို့ လေးယောက် အတွက် ကော်ဖီပူပူလေး ဖျော်တိုက်ရင်း ခဏအမောဖြေရပါတယ်။

                  နာရီဝက်ပြည့်သွားတဲ့အခါ ကျွန်မတို့ အလုပ်တွေပြန်စရပြန်ပါပြီ။ ညအိပ်ဝတ်အကျီ၊ ရေကူးဝတ်စုံ၊ ဘရာစီယာ အ ရွယ်စုံနှင့် ဇာတပ်ဘောင်းဘီလှလှလေးတွေကို ကျွန်မ စိတ်မသက်မသာနဲ့ လှမ်းကြည့်မိပါတယ်။ ဘယ်အချိန်ကျမှ ထုတ်ပိုးရမယ့် အထည် တွေကုန်သွားမှာပါလိမ့် ..။ အဲ့ဒီအချိန်မှာပဲ အကြီးမေလင်းရဲ့အသံစူးစူးဝါးဝါးကြီး ရုတ်တရက်ပေါ်ထွက် လာပါတယ်။

                       “ ကလေးတွေ မြန်မြန်လုပ်မယ်နော်။ ငါမနက်ဖြန်ရုံးတက်ဖို့အတွက် စက်ရုံမှာ မျက်နှာသစ် သွားမတိုက်ချင်ဘူး “

                       သဘောကတော့ အိပ်ပြန်မနားလိုက်ရပဲ စက်ရုံမှာပဲ မိုးလင်းသွားမှာ စိုးလို့ သတိပေးခြင်းပါ။ ခဏနေတော့ သူကိုယ်တိုင် ကြမ်းပြင်ပေါ် ခြေပစ်လက်ပစ်ထိုင်ချပြီး   ထုတ်ပိုးပြီးသား အထည်တစ်ထည်ချင်းစီကီု အရောင်နဲ့အရွယ်စုံလိုက်  တစ်ဒါဇင် ပြည့်အောင် ကတ်ထူးပုံးတွေထဲ ရွေးချယ်ထည့်ပေးပါတယ်။ အသက်အကြီးဆုံး ဖြစ်တဲ့ ကြီးမေလင်း တက်ကြွ နေတာ ကို မြင်ပေမဲ့ ၊ သူ့ကျန်းမာရေးအတွက် စိတ်ပူပြီး ကျွန်မလည်း မနေနိုင်ပဲ ရိုစီအနားကပ်ပြီး ပြောမိသေးတယ်။

                      “ အစ်မရယ်၊ သူ့ကိုတော့ နားခိုင်းလိုက်ပါတော့လား၊ အခုလိုမျိုးလုပ်နေရင် သူ့အသက်အရွယ်နဲ့ အရမ်းပန်းသွား လိမ့်မယ်”

          “ အောင်မလေး ဒါနင်ပထမဆုံးနေ့မို့ ၊ ဘာမှမဖြစ်ဘူး။ နောက်ဆို ရိုးသွားလိမ့်မယ်။ သူက ပက်ကင်(ထုတ်ပိုးမှု) အားလုံးပြီး လို့ တံခါးသော့ခတ်တာမြင်မှ အိမ်ပြန်ဖို့ စိတ်ဖြောင့်နိုင်တာ။ ဘယ်သူမှ သူ့ကို ပြောလို့မရဘူး။ ငါတို့လည်း သူ့ကိုခုထိ အမီ လိုက်နေရတုန်းပဲ။ လုပ်..လုပ် မြန်မြန်လုပ် နှေးရင်သူက တစက်မှကြိုက်တာမဟုတ်ဘူး”

             သူ့စကားကို ကြားတော့ အသက်ခြောက်ဆယ်နဲ့ခုနှစ်ဆယ်ကြား ကျွန်မတို့ ဒီဇိုင်နာကြီးအတွက် လက်ဖျားခါ သွားမိပါ တယ်။ ပါးစပ်ကလည်းအော် ၊လက်ကလည်း သွက်သွက်လက်လက်နဲ့ ကြမ်းပေါ်မှာ ထိုင်ပြီး ကူညီထုတ်ပိုးနေတဲ့ သူ့ကို ကြည့်ပြီး ကျွန်မတို့လည်း ဘယ်သူမှ မခိုကပ်ရဲပဲ တက်ညီလက်ညီနဲ့ လုပ်လိုက်ကြတာပတ်ကင်တွေ အားလုံးပြီးတော့ မနက်သုံးနာရီ တောင် ထိုးနေပါပြီ။ စက်ရုံနှင့် ကျွန်မတို့အဆောင်က အရမ်းနီးနေပေမယ့်၊  အကြီးမေလင်းအိမ်ကိုသာ အရင်လိုက်ပို့ဖြစ်ပြီး ကားပေါ်မှာပဲ အိပ်ပြီး လိုက်ပါသွားကြတယ်။ အိမ်ပြန်ရောက်တော့ မနက်လေးနာရီထိုးနေပြီမို့ ၊ အိပ်ယာပေါ် ခဏလှဲလိုက်တာနဲ့ ခြောက်နာရီခွဲ သွားပြီး အလုပ်သွားဖို့အတွက် တဖန် ပြင်ဆင်ရပြန်ပါတယ် ။ အလုပ်ရောက်တော့ မျက်လုံးတွေ နီရဲနေတဲ့ ကျွန်မကိုကြည့်ပြီး အလုပ် ထဲက ကလေးတွေအားလုံးကတောင် ပြုံးစိစိနဲ့ ကြည့်ကာ ၊ “ ချယ်ရီ၊ ဒီနေ့အလုပ်လုပ်ရင်တော့ အိပ်မငိုက်နဲ့နော် ”လို့ သတိ ပေးစကား ဆိုလာသေးတယ်။ ပထမတော့ သူ့တို့စကားသံမှာ ကျွန်မကို အထင်သေးလှောင်ပြောင်သလို ဖြစ်တာမို့ အခံရ ခက်ပြီး စိတ်ဆိုးမိသွားတယ်။ ဒါပေမဲ့လည်း ညကပင်ပန်းသွားတဲ့ အရှိန်ရယ်၊ အိပ်ရေးမ၀တာရယ်ကြောင့် ထမင်းစားပြီးချိန်မှာ တကယ် အိပ်ချင်လာတာမိှု့ တစ်နာရီခြားတစ်ခါလောက် အိပ်မငိုက်မိအောင် ကျွန်မရဲ့ မျက်လုံးတွေကို တစ်သျှူးနဲ့ ရေစွတ်ပြီး ခဏခဏ သုတ်နေရပါတယ်။

             ညနေပိုင်းမှာဆွန်းက ကျွန်မကို ဓါးစက် (over lock) ဘယ်လိုချုပ်ရမလဲဆိုတာ သင်ကြားပြသပေးတယ်။ စက်ချုပ်ဖူးသူ အားလုံးအတွက် စက်တွေထဲမှာတော့ ဓါးစက်ချုပ်ရတာ အလွယ်ကူဆုံးဖြစ်ပါလိမ့်မယ်။ ဒါပေမယ့် အားလုံးအပြီးစီးဖြစ်သွားတဲ့ အထည်တွေမှာ ဓါးစက်နှင့် နောက်ဆုံး အချောသတ်လိုက် ရတဲ့အခါ ပိတ်ကိုဓါးမထိဖို့တော့ ဂရုစိုက်ရတာပေါ့။ သူက ကျွန်မ ချုပ်ဖို့ အတွက် ထုတ်လုပ်မှုဌာန(production)ဆီမှ ချုပ်လက်စအထည်တွေ အပြည့်အသိပ်ထည့်ထားတဲ့ အိတ်ကြီးဆွဲယူလာတယ်။ အဲ့ဒီအထည်တွေအားလုံးက ပြီးစီးလုနီးပါး ဖြစ်နေပြီး နောက်ဆုံးအဆင့်အဖြစ် ဓါးစက်လိုက်ဖို့ပဲ လိုတဲ့အဆင့်ဖြစ်ပုံပါပဲ။ အိတ်ကြီး ကြီးလွန်းလို့ ကျွန်မ မြင်ပြီးလန့်သွား မိပေမဲ့ မဖြုန်သလိုပဲ ဟန်ဆောင်နေလိုက်တယ်။ သူကဓားစက်အောက်နားမှာ အဲ့ဒီ အထုတ်ကြီး ကို ထောင်ထားလိုက်တယ်ဆိုရင်ပဲ သူ့ဘက်မှစကားမစခင် ကျွန်မ မေးခွန်း ထုတ်လိုက်မိပါတယ်။

             “ အဲ့ဒါတွေ အားလုံး ကျွန်မတစ်ယောက်တည်းချုပ်ရမှာလား”

             သူက ခုံပေါ်မှာထိုင်ပြီး နမူနာအဖြစ်အထည်တစ်ထည်ချုပ်ပြရင်း၊ ကျွန်မ မေးခွန်းကို မဖြေပဲ သူပြောချင်ရာ ပြောတယ်။

               “အခု ချုပ်ပြနေတာမြန်လား”

              တစ်ထည်ကို တစ်မိနစ်လောက်ပဲ ကြာတာမို့ ကျွန်မက သူချုပ်ပြတာမြန်ကြောင်း ခေါင်းညိတ်ပြလိုက်တယ်။

              “ ချယ်ရီကို ဟိုနေ့က ပြောထားတယ်လေ၊ စက်လည်း ကောင်းကောင်း မချုပ်တတ်ဘူးဆိုတော့ ထုတ်လုပ်မှုက အထည်တွေကို သူတို့တစ်နေ့ ဘယ်လောက်ပြီးသလဲဆိုတာ မှတ်ထားပြီး ကိုယ်ကအမီလိုက်ချုပ်ဖို့လေ ၊ ဒါမှ စက်ချုပ်လည်း တခါတည်း တတ်သွားပြီး သူတို့ကို ကူညီရာ ရောက်သွားမှာလို့ ပြောထားတာ မှတ်မိလား”

               “ မှတ်မိပါတယ်”

               “ အဲ့ဒါ ဒီနေ့စချုပ်ရမှာ၊ ဒါ စက်တွေအားလုံးထဲမှာ အလွယ်ဆုံးချုပ်ရတဲ့စက်၊ ပြီးတော့ မြန်လည်း မြန်တယ်၊ လာ ထိုင် ချုပ်ကြည့်ပါဦး”

               ညအိပ်ဝတ်အကျီခါးတိုပါးပါးလေးကို အောက်အနားတွေပဲ ပတ်ပတ်လည်ချုပ်ရတာမို့ အရမ်းလွယ်ကူမြန်ဆန်ပါတယ်။ ချုပ်ကြည့်ရတာ လွယ်ကူလွန်းလို့ ကျွန်မ အရမ်းပျော်သွားမိပါတယ်..။

              

ရေကြည်သော်လည်း မြက်မနုရာ-၄

                                                       ရေကြည်သော်လည်း မြက်မနုရာ-၄

                          စက်ရုံဝင်းထဲကို ၀င်ဝင်လိုက်ချင်း ကုန်တင်ကားကြီးတွေ သုံး၊လေးငါးစီးတွေ့လိုက်ရလို့ ကျွန်မ အံ့အား သင့်ကာ တဒင်္ဂငေးမောနေမိပါတယ်။ တချို့ရက်တွေမှာ ပိတ်စလိပ်တွေ အထပ်လိုက်တင်ထားတဲ့ကားတွေကို တစ်စီးတစ်လေ တွေ့ရလေ့ရှိတာပေမယ့် ၊ ဒီလို စက်ရုံဝင်း အပြည့် ကားကြီးတွေရပ်ထားတာမြင်တော့ အထူးအဆန်းလုပ်ပြီး ငေးမော ကြည့်မိ သွားတာပါ။ ကားဖယ်ရီပေါ်က ဆင်းဆင်းချင်း၊ ရှေ့ခန်းမှာပါလာတဲ့ အန်တီရှယ်လီက လှမ်းနှုတ်ဆက်တဲ့ စက်ရုံစောင့်ကို “ဒီနေ့ shipping ရှိလား၊ ပစ္စည်းပို့ရမဲ့နေ့လား” လို့ လှမ်းမေးတာကို တွေ့လိုက်ရပါတယ်။ အန်တီရှယ်လီက မြန်မာတစ်ဦးတည်းနဲ့ ဖစ်လပင်း(ဖီလစ်ပိုင်) ဆယ်ယောက်လောက် ၊ အင်ဒိုနီးရှား ၀န်ထမ်း နှစ်ဆယ် သုံးဆယ် နဲ့ ထောင်ချီတဲ့ အလုပ်သမားသမား တွေ ကို အုပ်ချုပ်ရတဲ့ စက်ရုံ(၂)က မန်နေဂျာမှူးကြီးမို့ ၊သူဌေးမကြီးက ယုံကြည်ရလွန်းလို့ မျက်နှာလွဲ ထားရသူပါ။ စက်ရုံ(၁)မှာတော့ အားလုံးကို သူဌေးမက တိုက်ရိုက်အုပ်ချုပ်ပါတယ်။ အန်တီရှယ်လီလို အရာရာယုံကြည်ပြီး အားကိုးရမဲ့လူယုံ မရှိလိုများလားလို့ တွေးမိ လိုက်သေး တယ်။ ဒါကြောင့် အိမ်ကနေ ဖယ်ရီအတူတူ စီးခဲ့ပေမယ့် ရုံ:ရောက်တာနဲ့ အန်တီရှယ်လီနဲ့ ဖစ်လပင်းတချို့က စက်ရုံ(၂) ဘက် ကို လှမ်းပြီး ကျွန်မတို့ မြန်မာသုံးယောက်ကတော့ စက်ရုံ(၁) ဘက်ကို ခြေဦးလှည့်ခဲ့ပါတယ်။

                          သူဌေးမကြီးရဲ့ရုံးခန်းက လှမ်းကြည့်လိုက်ရင် မှန်ချပ်တွေနဲ့သာခြားထားတဲ့ ကျွန်မအလုပ်လုပ်နေတဲ့ `နမူနာ ထည် အခန်း´ (Sample Room) ကို လှမ်းမြင်ရပါတယ်။ သူ့ရဲ့ နံဘေးမှာတော့ အင်ဒိုနီးရှား ဘွဲ့ရပညာတတ်တချို့ကို ကွန်ပြူတာ ကိုင်ပြီး စာရင်းဇယား လုပ်နေကြတာကို လှမ်းတွေ့ရသလို၊ တချို့ကတော့ ကျွန်မနဲ့ တဆောင်တည်း အတူတူနေတဲ့ ဖစ်လပင်း လူမျိုးတွေ ကို merchandiser ဆိုတဲ့ အရောင်းအ၀ယ်ညှိနှိုင်းရေးတာဝန်ခံ ၊ purchaserဆိုတဲ့ ၀ယ်ယူရေးတာဝန်ခံ စတဲ့ ရာထူးတွေမှာ ညနက်သည်အထိတာဝန်ယူ အလုပ်လုပ်နေကြတာကို ကျွန်မလှမ့်းမြင်ရပါတယ်။ ကျွန်မရဲ့ ‘နမူနာထည် အခန်း’ မှာတော့ ဖစ်လပင်းတစ်ယောက်မှ မရှိပဲ အင်္ဂလိပ်လိုလုံးဝ မပြောတတ်၊ အင်ဒိုစကားကိုလည်း ချစ်စရာ အဖွားကြီးလေသံနဲ့ ဗလုံးပထွေး ပြောတတ်တဲ့ တရုတ်အဖွားကြီး ‘ကြီးမေလင်း’ကိုသာ ရာထူးအကြီးဆုံးအဖြစ် တွေ့ရပါတယ်။ သူ့ကို စက်ရုံ(၁) မှာရော၊ (၂) မှာပါ ကြီးမေလင်းဆိုရင် ကျွမ်းကျင်တဲ့ ဒီဇိုင်နာအဖွားကြီးအဖြစ် အသိအမှတ်ပြုပြီးသားပါ်။ သူပြီးရင် ကျွန်မတို့ ‘နမူနာထည်အခန်းမှာ’ ရိုစီနဲ့ စန္ဒီကို ရာထူးအကြီးဆုံးလို့ထင်ထားမိတဲ့ ကျွန်မအတွေးတွေ ဒီနေ့ရုံးရောက်တဲ့အခါ  သူစိမ်း မြန်မာ အမျိုးသမီး တစ်ယောက်ကို ထပ်မံ တွေ့လိုက်ရလို့် ပို့အံ့သြသွားမိပါတယ်။ တကယ်တော့ သူက ဆေးခွင့်နဲ့ ကလေးမီးဖွားဖို့ ခွင့်ယူ ထားတာမို့ ကျွန်မနဲ့ ခုမှဆုံကြရတာပါ။ သူ့နာမည်ကတော့ ဒေလီတဲ့။ အင်ဒိုနီးရှားရောက်တော့လည်း သူရော၊ကိုယ်ရော အဖေ အမေ ရွေးချယ်မှည့်ပေးထားတဲ့မြန်မာ နာမည်လေးတွေပျောက်ပြီး၊ လူတိုင်းခေါ်ရလည်း လွယ်၊ မှတ်မိလည်း လွယ်နိုင်မယ့် ဘိုဆန်ဆန် နာမည်တွေနဲ့ဘ၀သစ်စခဲ့ကြရတဲ့ ထဲမှာ ဒေလီလည်း တစ်ယောက်ပေါ့။

                          ဒေလီက နမူနာထည်အခန်းမှာ costing လို့ခေါ်တဲ့ နမူနာချုပ်မယ့် အထည်တွေအတွက် ပိတ်နဲ့ တခြားပစ္စည်း တွေ ၀ယ်ယူဖို့ တွက်ချက်ရပါတယ်။ ဒါ့အပြင် တခြား စက်ရုံက ရောင်းသူ ၀ယ်သူ အပြန်အလှန်မေးလ်နဲ့စကားပြောရင်း ဈေးညှိတဲ့ အပိုင်းကိုလည်း တာဝန်ယူရပါတယ်။ ဒီတော့မှ ကျွန်မအရင်က တစ်ယောက်တည်း တွေးခဲ့ဖူးတဲ့ သူဌေးမကြီးက အစည်းအဝေး ခေါ်ရင် ကြီးမေလင်း တစ်ယောက်တည်း အဆင်ပြေနိုင်ပါ့မလား၊ ကြီးမေလင်း အော်ကြီးလစ်ကျယ် ပြောဆိုတာတွေကို အားလုံး က နားလည်လက်ခံရဲ့လား  ဆိုတဲ့ အတွေးနဲ့၊ ၀ယ်သူတွေ တောင်းဆိုသမျှ အကြီးမေလင်းက အင်္ဂလိပ်လိုမတတ်ပဲ ဘယ်လိုလိုက်မှတ်ချုပ်လုပ် နိုင်ပါလိမ့်ဆိုတဲ့ သံသယတွေကို ဒေလီကျွန်မရှေ့ရုတ်တရက်ပေါ်လာမှပဲ ရှင်းလင်းသွားပါတော့တယ်။ ဒီ ‘နမူနာထည်အခန်း ‘ထဲံမှာတော့  သူကကြီးမေလင်းပြီးရင်း ရာထူးအကြီးဆုံးပါပဲ။ သူကနေတဆင့် ဘာပိတ်အရောင်၊ အမျိုးအစားနဲ့ ချည်၊ သရေကြိုးနဲ့ ဖဲုကြိုး၊ဖဲပြားစတဲ့ accessories သုံးမလဲ ဆိုတာတွေကို ဒီဇိုင်းနာတွေက သိရတာဖြစ်ပါတယ်။ ကြီးမေလင်းတို့ ဒီဇိုင်း ဆွဲပြီးတာနဲ့ စက်ခန်းထဲက စက်ချုပ်သမ တွေ နဲ့ ညှိနှိုင်းပြီး သူက ၀ယ်သူ(buyer) ကို ၊(တနည်းအားဖြင့် အော်ဒါအပ်သူကို )  နမူနာအထည်တွေ ပြီးစီးနိုင်မယ့် နေ့ကို ကြိုတင်ခန့်မှန်းအကြောင်းကြားရတာ သေ်းတယ်။

                             ဒီနေ့တော့ သူတို့ချုပ်နေတဲ့ ရေကူးဝတ်စုံအတွက် ပခုံးမှာတပ်မယ့် ကြိုးနှစ်ဖက်ကို ညီညီညာညာ ကူဖြတ်ရင်း အရမ်း ဆန်းပြားခေတ်မီတဲ့ ဖဲကြိုးတွေဗလပွနဲ့ ဖက်ရှင်ရေကူးဝတ်စုံနဲ့ ဘောင်းဘီဝမ်းဆက်လေး ချုပ်နေတာကို တဆင့် ချင်းလိုက်ကြည့် မိပါတယ်။ ကျွန်မ မနီးမဝေးကနေ ကြည့်နေတာကို ကြည်ဖြူသူလည်း ရှိသလို၊ သုန်မှုန်တဲ့ မျက်နှာပေးနဲ့ နှုတ် ခမ်းစူ ထားတဲ့လူတွေလည်း ရှိပေမယ့်၊ ကျွန်မက ပညာလိုချင်သူမို့ ၊ သူတို့ကို အနှောင့်အယှက် မဖြစ်ရအောင် ခပ်လှမ်းလှမ်းကနေ စာအုပ်တစ်အုပ်နဲ့ ကြည့်ရင်း လိုက်မှတ်မိပါတယ်။ ပထမတော့ စာအုပ်ကိုင်ရမှန်း နားမလည်တဲ့ ကျွန်မကို အန်တီရှယ်လီက  သုံးလကျော်၊လေးလ ဆိုတာ လေ့လာတာတောင်မှ ပြီးစလွယ် ယောင်ဝါးဝါး လုပ်လို့ မရတော့ဘူး၊ စာအုပ်နဲ့ ချုပ်လုပ်ပုံတဆင့်ချင်း၊ မြန်မာလို ဖြစ်ဖြစ် အင်္ဂလိပ်လိုဖြစ်ဖြစ် လိုက်မှတ်ထားသင့်ပြီ ဆိုတဲ့ အမှာစကားကြောင့် ခုလို လိုက်မှတ်ရခြင်းဖြစ်ပါတယ်။ အဲ့ဒီ လို လိုက်မှတ်ရင်း ကိုယ်နဲ့ ရင်းနှီးနေပြီး မျက်နှာလည်းချိုတဲ့ စက်ချုပ်သမတွေ နားကပ်ပြီး ဘာကူညီရမလဲ လို့ အင်ဒိုလို လိုက်မေးရ ပါသေးတယ်။ ဒါကလည်း နမူနာအထည်လှလှလေးတွေ အော်ဒါကျနေလို့ စက်တွေမအားတဲ့အခါ ၊ အလုပ်လုပ်ရင်း စက်ချုပ် လေ့ကျင့်ချင်တဲ့ ကျွန်မရဲ့ဆန္ဒလေးပါ။ တခါတလေလည်း အထည်ချုပ်လုပ်ငန်း (Textile) အသုံးအနှုန်းတွေ မသိသေးတဲ့ ကျွန်မက စာအုပ်ထဲမှာ မြန်မာလိုရေးမှတ်တာကို မြင်တိုင်း အနားကို အင်ဒိုစက်ချုပ်သမ ခပ်ငယ်ငယ်တွေ ၀ိုင်းပြီး စပ်စုတတ် ကြသေးတယ် ။ မြန်မာစာ ဆိုတာအဲ့ဒါလားဆိုတာမျိုးပေါ့။  သူတို့အင်ဒိုနီးရှားစာကတော့ ABCD နဲ့သာရေးပြီး အသံထွက်ကျမှ အင်္ဂလိပ် အသံထွက် နဲ့ကွဲပြီး A ကို “ အာ”၊ B ကို “ ဘေ” ၊ C ကို “ ကျေ” ဆိုပြီး အသံထွက်ကြတယ်။ တခါတလေလည်း သူတို့က နေ့လည်ထမင်းစား ချိန်မျိုးမှာ မြန်မာလို AကနေZ အထိရေးပြပါဆိုလို့ ကကြီးကနေ အ အထိရေးပြရသေးတယ်။ သူတို့လိုက် ရေးကြည့်တဲ့ အခါ ဘယ်လိုမှ အဆင်မပြေကြဘူး။ အဲ့ဒီအခါ ကျွန်မတို့ကို “ သြော် သူတို့က ဒီလောက် ခက်တဲ့ စာတွေကို ငယ်ငယ်ကတည်းက ရေးခဲ့၊ သင်ခဲ့ကြတာ။ ဒါကြောင့် ငါတို့စာကျ အေးဆေးဖြစ်နေတာ” လိ်ု့ မချိတင်ခဲ ပြောကြပါသေးတယ်။ အမှန်တော့ သူတို့စာကိုရေးတဲ့ အေဘီစီဒီဆိုတာလည်း ကျွန်မတို့က ငယ်ငယ်ကတည်းက သင်ထားခဲ့တာကိုး။

ရေကြည်သော်လည်း မြက်မနုရာ-၃

                           

                                                       ရေကြည်သော်လည်း မြက်မနုရာ-၃

 

                                    ကျွန်မစက်စချုပ်ချိန် မော်တာစက်ကို မသုံးဖူးတာကြောင့် စက်က ကိုယ်ထင်တာ ထက် မြန်ပြီး စက်ကြောင်းတွေ တွန့်လိမ်ကောက်ကွေးနေတာကို ပြောခဲ့ပြီးပါပြီ။ ။ ကျွန်မ လေ့ကျင့်ဖို့ သူတို့ ပေးထားတဲ့ ပိတ်စ ကလေးတွေကို အသုံးပြုပြီး အပ်ကြောင်းဖြောင့်အောင် နှစ်ရက်လောက်ကျွန်မ ကြိုးစား လေ့ကျင်ရပါတယ်။ တလက်စတည်း မဖြစ်မနေ အသုံးပြုရမှာ ဖြစ်ပြီး ကျွန်မဘ၀မှာ တစ်ခါမှ မမြင်ဖူးတဲံ့ စက်မျိုးတွေကိုလည်း မျက်စိတွေ နားတွေဖွင့်ပြီး အပြေးအလွှား လေ့လာ ခဲ့ရ ပါသေးတယ်။ စက်ခန်းထဲ အမျိုးအစားစုံလင်တဲ့ စက်တွေကို ကျွမ်းကျွမ်းကျင်ကျင် ကိုင်တွယ်နေကြသူတွေ ကြားထဲမှာ အခြေခံ အကျဆုံးဖြစ်တဲံ့single needle machine ခေါ် အပ်တစ်ချောင်းတည်းနဲ့ ချုပ်ရတဲ့ ရိုးရိုးမော်တာစက်ကို ကျွန်မအဆင်ပြေပြေ ချုပ်နိုင်တာ မြင်တော့ ခေါင်းဆောင် ဆွန်းဒါလီက ပိတ်ညှပ်သမား ကောင်မလေးနဲ့ ကျွန်မကိုမိတ်ဆက်ပေးပါတယ်။

                                ကောင်မလေးနာမည်က နယ်လီ တဲ့ ။ သူကတော့ခေါင်းပေါင်းလေးနဲ့ မဟုတ်ပဲ ကောက်ကွေးတွန့်လိမ် နေတဲ့ ဆံပင်လေးတွေကို အပြောင်သိမ်းပြီး နောက်မှ စုချည်ထားတာမို့ နှုတ်ဆက်အပြုံးနဲ့ မိတ်ဆက်လိုက်တဲ့ ကျွန်မကို မရယ်မပြုံး ခပ်တင်းတင်း မျက်နှာပေးနဲ့ တုံ့ပြန်တာကို သတိပြုမိလိုက်ပါတယ်။ ဆွန်းက ပိတ်တွေအကြောင်း  အကြမ်းဖျဉ်း ရှင်းပြ ဖို့နဲ့ အလွယ်ဆုံးဘောင်းဘီတစ်ထည် ကို ကျွန်မကိုယ်တိုင် ညှပ်ကြည့် ဖို့ သူ့ကို ကူညီပြသခိုင်းလိုက်ပါတယ်။ ဒီတော့မှ သူက စက္ကူ တွေ တစ်ထပ်ကြီးထားတဲ့ အိတ်ထဲကနေ စက္ကူခေါက်လေးတစ်ခုကို ထုတ်လာပြီး ပိတ်ပေါ် တင်ဖြတ်တဲ့အခါ ဘောင်းဘီပုံ ရှေ့ခြမ်း၊ နောက်ခြမ်းနှင့် အလယ်ခြမ်းတွေကို ပင်အပ်လေးနဲ့ ပိတ်စမှာ တွယ်ပြီး သပ်သပ်ရပ်ရပ် မြန်မြန်ဆန်ဆန်ပဲ ညှပ်ပြပါတယ်။ တကယ်တမ်း ကျွန်မ စက္ကူခေါက်လို့ ထင်နေတဲ့အရာဟာ လှပသေသပ်တဲ့  ဘောင်းဘီပတ်တမ် တစ်ခု ဆိုတာကို ပိတ်စပေါ် သူတင်ညှပ်ပြီးး မချုပ်လုပ်ရသေးခင် ပိတ်အပိုင်းအစလေးတွေ အဖြစ်မြင်မှ ကျွန်မ နားလည်ခဲ့ရတယ်။ သူကတော့ ကျွန်မနားလည်တာ ၊နားမလည်တာထား သူ့ကို တာဝန်ပေးထားခဲ့ပြီးပြီ မို့ အင်ဒိုစကားသံ ရွှတ်ရွှတ်ရှပ်ရှပ်နဲ့ရှင်းပြပြီး သူ့လို စမ်းညှပ်ကြည့် ဖို့လညိး ကတ်ကြေး ကို  ကျွန်မလက်ထဲ ထည့်လိုက်ပါတယ်။

                                ကျွန်မအတွက်လည်း အမြင်မှာ မခဲယဉ်းလှတာမို့ သူ့အတိုင်း လိုက်ညှပ်ကြည့်တဲ့ အခါ  ဘောင်းဘီတစ်ထည်စာ ပိတ်အပိုင်းအစတွေသာ ထွက်လာတယ် ၊ အနားမှာ ရပ်နေတဲ့ နယ်လီက ညှပ်ပြီးသား ပိတ်စတွေကြည့်ပြီး ဟားတိုက်ရယ်မောနေတာမို့  ကျွန်မ အတော်စ်ိတ်ညစ်သွားမိတယ်။ ဒီတော့မှ ဘောင်းဘီတစ်ထည်ဖြစ်ဖို့ ပိတ်ညှပ်တာတောင် ရိုးရိုးညှပ်လို့ မရပဲ၊ ဘာတွေပညာသားပါတယ်ဆိုတာ  သူ့ရှင်းပြမှပဲ တဖြေးဖြေးနားလည်လားခဲ့ရတယ်။ တကယ်တော့ ပတ်တမ်ပေါ်မှာ ရေးထားတဲ့ စတိုင်နံပါတ်နဲ့ ၀ယ်သူနာမည်တွေအပြင်၊ နောက်ထပ် အရေးကြီးတဲ့ ပိတ်စရဲ့လားရာ၊ ဦးတည်ရာကို ညျွှန်ပြရတဲ့ မြှားလေးကိုလည်း ကြည့်တတ်ရ ပါသေးတယ်။ အဲ့ဒီမြှားလေးအတိုင်း ပိတ်ပေါ်မှာတင်ပြီးဖြတ်ရတာမို့၊ ပိတ်စရဲ့ဆွဲအားက အလျားမှာ ရှိလား၊အနံမှာ ရှိလားဆိုတာကို ဆုံးဖြတ်ညွှန်ပြပေးတဲ့ မြှားခေါင်းလေးအတိုင်း ပိတ်စပေါ်မှာ မှန်ကန်စွာ တင်ပြီး ဖြတ်ရတာပါ။ ဒါမှ ဘောင်းဘီချုပ်မည့် သူအတွက် ပိတ်စအစွန်းမှာ (elastic) သရေကြိုးတပ်ပြီး ခါးမှာ ၀တ်ရတာအဆင်ပြေမှာပါ။ မဟုတ်ရင် ဆွဲအားမရှိတဲ့ နေရာမှာ သရေကြိုးတပ်ပြီးလှလှပပ ချုပ်လည်း ၀ယ်သူအတွက် အဆင်ပြေကောင်းမွန်ပြီး သက်တောင့် သက်သာရှိတဲ့ အထည်တစ်ထည် ဖြစ်လာနိုင်မှာ မဟုတ်ပါဘူး။

                                 သူ့အကူအညီနဲ့ အထည်ခြောက်ထည် (ဒါဇင်ဝက်) ကို ညှပ်လို့အပြီးမှာ ဆွန်းက နမူနာ အထည် တစ်ထည် ချုပ်ပြပေးပါတယ်။ ပြီးတော့ ဘောင်းဘီအမျိုးအစား အများကြီးရှိတဲ့ အထဲမှာ၊ ဒီနေ့သင်တဲ့ ဘောင်းဘီက အခြေခံအကျဆုံးနဲ့ အလွယ်ကုဆုံးဖြစ်ကြောင်း၊ဘောင်းဘီ နာမည်ကို (panty ) လို့ခေါ်ကြောင်း ပြောပြပါတယ်။ အဲ့ဒီ (panty) ဆိုတဲ့ ဘောင်းဘီလေးကိုချုပ်ရာမှာ ကျွန်မအတွက် အခက်ခဲဆုံးအချိန်ကတော့ ပေါင်မှာ (elastic ) သရေကြိုးတပ်တဲ့ အဆင့်ပါပဲ။ ခါး ပတ်ပတ်လည် မှာ သရေကြိုးတပ်တာ ထင်သလောက် မခက်ခဲပေမယ့်  ပေါင်မှာတပ်ရတဲ့ သရေကြိုးကိုတော့  ဟိုဘက်ဒီဘက် ညီအောင် တပ်ပေးရတာမို့ ၊ စက်ချုပ်တာနဲ့ပတ်သတ်ပြီး မမေ့ နိုင်တဲ့ ကျွန်မဘ၀ရဲ့ အမှတ်ရဆုံးအခက်အခဲ တစ်ခုဖြစ်ခဲ့ပါတယ်။ သရေကြိုးတပ်တဲ့စက်က ရိုးရိုးမော်တာစက်မဟုတ်ပဲ zigzag machine ပါ။ သရေကြိုးတပ်ရတဲ့ အပိုင်းတွေမှာ အဲ့ဒီစက်ကို အသုံးပြုရတာ အလွယ်ကူဆုံး ဆိုတာကို နောက်ပိုင်းမှာ နားလည်သဘောပေါက် ခဲ့ပေမယ့် အဲ့ဒီအချိန်တုန်းကတော့  zigzag machine ခုံမှာ ထိုင်ပြီး သရေကြိုးတပ်ရတဲ့ အချိန် ကျွန်မစိတ်ထဲ ပျော်ရွှင်နှစ်သက်မူ မရှိ်ခဲ့ပါဘူး။ ဘာလို့ လဲ ဆိုတော့ ကျွန်မချုပ်ပြီးတဲ့ အထည်တိုင်း ခေါင်းဆောင် ဆွန်း ကို ပြန်ပြရတဲ့အခါ၊ ပေါင်မှာတပ်တဲ့ သရေကြိုးတွေ ဘယ်နဲ့ ညာနဲ့ မညီတိုင်း သူကအကြိမ်ကြိမ်ဖွင့်ပြီး ကျွန်မကို ပြန်ချုပ်စေပါတယ်။ အဆိုးဆုံးကတော့ တပ်ထားတဲ့ သရေကြိုးတွေကို ပြန်ဖွင့်တဲ့အခါ၊ အမြဲ ဘရိတ်ဓါး သုံး ပြီးဖွင့် ရတာမို့ ပြဲရာ၊ဓါးရာဗလပွနဲ့ ဘောင်းဘီတွေကို ဆက်ချုပ်ဖို့ အင်အားမရှိတော့တာနဲ့ နယ်လီ ဆီမှာ မျက်နှာငယ်ငယ် နှင့် ပိတ်ပြန်ညှက်ဖို့ တောင်းရတဲ့အချိန်တွေဟာ ကျွန်မဘ၀မှာ တကယ့် စိတ်ပျက် သိမ်ငယ်စရာ မိနစ် အချိန်လေး တွေ ဖြစ်ခဲ့ဖူးပါတယ်။ အဲ့လို အချိန်တိုင်း သူက မျက်ထောင့်နီနဲ့ စွေကြည့်ရင်း

                                     “ဒီ ဂိုထောင်ထဲမှာ ရှိတဲ့ ပိတ်တွေက နင်တစ်ယောက်တည်း စမ်းချုပ်ဖို့ မဟုတ်ဘူးနော်၊ကြည့်လုပ် အုန်း “ ဆိုတဲ့သူ့အသံဟာ ကျွန်မကို အမြဲသင်ကြားပေးတဲ့ ဆွန်းလေသံထက် ဆယ်ဆလောက်ခက်ထန်မာကြောတာကြောင့် ကျွန်မ ချုပ်တဲ့ ဘောင်းဘီတွေ မပြီးခင် တစ်ခုခုပျက်ဆီးမှာကလည်း စိုးရိမ်ပူပန်ရပါသေးတယ်။ စက်ခန်းထဲမှာ ကျွန်မလေ့ကျင့်ချုပ် ကြည့်ဖို့ စက်တစ်လုံးသီးသန့် မပေးထားနိုင်တာကြောင့် ၊ ကျွန်မကူညီလုပ်ကိုင်နေတဲ့ တောက်တိုမယ်ရ အလုပ်လေးတွေ အားတဲံ့ အချိန်ရယ်၊ အလုပ်သမားတွေမသုံးတဲ့ စက်ရှိတဲ့အချိန်မျိုးရယ်မှ အပြေးအလွှားလေ့ကျင့်ချုပ်လုပ်ရတာမျိုးပါ။ ဒါကြောင့် ဘောင်းဘီ  ခြောက်ထည်ပြီးဖို့ အချိန်နှစ်ရက်ယူပြီး ဆွန်းကလည်း သဘောကျမှ ကျွန်မ ရဲ့ပထမဆုံးလက်ရာလေးတွေကို ကြီးမေလင်း ကို ပြဖြစ်ပါတယ်။ ကြီးမေလင်းက တော့ကျွန်မချုပ်ပြီးသမျှ ဘောင်းဘီလေးတွေကို တစ်ထည်ပြီးတစ်ထည်ကိုင်ကြည့် ပြီး “ လှတယ်၊ ကောင်းတယ်” နဲ့ အတော်လေး သဘောကျနေလို့ ကျွန်မလည်းအတော် စိတ်သက်သာရာ ရသွားမိတယ်။ ဒါပေမယ့် ကျွန်မနောက်ကွယ်ကျမှ နမူနာအခန်းထဲမှာ စားပွဲပေါ်မှာ ကပ်ထားတဲ့ သူ့ပေကြိုးနဲ့တိုင်းရင်း ကျွန်မရဲ့ အထည်တွေ အားလုံး  အတိုင်းမ၀င်လို့ နောက်တစ်ခါ ချုပ်ရင် တိတိကျကျ အတိုင်းနဲ့သေချာချုပ်ဖို့ အစ်မတွေကနေတဆင့် အမှာစကားပါးလိုက်မှန်း အိမ်အပြန်ဖယ်ရီပေါ်ရောက်မှ သိလိုက်ရပါတယ်။

ရေကြည်သော်လည်း မြက်မနုရာ-၂

                                                  ရေကြည်သော်လည်း မြက်မနုရာ-၂

                                      

                                    ဒီလိုနဲ့ တစ်နေ့တော့ ရုံးရောက်ရောက်ချင်း အန်တီရှယ်လီက ကျွန်မကို ပိုင်ရှင်သူဌေးနဲ့ မိတ်ဆက် ပေးဖို့ လှမ်းခေါ်တာနဲ့ သူနဲ့အတူ သူဌေးရုံးခန်း ကို ရောက်ခဲ့ပါတယ်။ သူဌေးက အသက်ခြောက်ဆယ် အရွယ် အမျိုးသမီးဖြစ်ပြီး တောက်ပရွှန်းစိုတဲ့ အပြုံးတစ်ပွင့်နဲ့အတူ ကျွန်မကို ရင်းရင်းနှီးနှီးပဲ လက်ခံစကားပြောပါတယ်။ ကျွန်မက အလွန်အမင်း စိတ် လှုပ်ရှားနေတာမို့ ရင်းနှီးစွာ ဟာသနှောပြီး ပြောလာတဲ့ သူရဲ့တချို့စကားတွေကို တိုးလျတဲ့အသံနဲ့ပဲ မပွင့်တပွင့်တုံ့ပြန်မိတယ်။ ဒါပေမဲ့ အဲ့ဒီအချိန်မှာ ကျွန်မစိတ်ထဲပေါ်လာတာက  ကျွန်မကို အင်္ဂလိပ်စကားပြောသင်ပေးခဲ့တဲ့ ဆရာဦးအောင်ဇေ (တော် ဘုရားလေး) ရဲ့မှာကြားသံ။

                             “အလုပ်အင်တာဗျုးမှာပဲ ဖြစ်ဖြစ်၊ အလုပ်ဝင်စ အချိန်တွေမှာပဲဖြစ်ဖြစ်၊ ကိုယ့်အထက်က လူကြီးတွေ၊ ဘော့စ် တွေနဲ့ နှုတ်ဆက်တဲ့အခါ ကိုယ့်ရဲ့အသံမှာ ယုံကြည်မူအပြည့်အ၀ ပါပါစေ၊ သူနဲ့ လက်ဆွဲနှုတ်ဆက်တဲ့အခါ သူ့ကိုအလေးထားမှု ကိုပြတဲ့ အဘောနဲ့သူ့လက်ကိုအားထည့်ရုံ မဆိုသလောက်လေးညစ်ပြီးမှ နှုတ်ဆက်လိုက်ပါ။ မလိုအပ်ပဲ ခါးကိုင်း အရိုအသေ ပေး ရင်း လက်ဆွဲနှုတ်ဆက်တာမျိုး၊ လေးစာသမူလွန်ပြီး လက်အုပ်ချီပြတာမျိုး မလုပ်ပါနဲ့။ နိုင်ငံတကာမှာ အဲ့ဒါမျိုး နှုတ်ဆက်တာမျိုး လုံးဝမရှိဘူး။ ”

                                    နိုင်ငံရပ်ခြားအဝေးကို ထွက်ပြီး အလုပ်လုပ်ရမယ့် တပည့်ကို စိတ်မချစွာမှာကြားတဲ့ ဆရာရဲ့အသံ နားထဲ ရုတ်တရက် ၀င်ရောက်လာတယ်။ ဒါကြောင့် ကျွန်မသူ့မျက်လုံးတွေကို ရင်ဆိုင်လိုက်ရင်း ကျွန်မစိတ်လှုပ်ရှား တုန်လှုပ် နေတာကို သူမရိပ်မိအောင် လေသံမြှင့်ပြီး သူမေးသမျှ သွက်လက်စွာပြန်ဖြေလိုက်ပါတယ်။ သူက ကျွန်မလို Textile လောက အကြောင်း လုံးဝမသိသူကို Assistant Designer ရာထူးနဲ့ အလုပ်ခန့်အပ်ထားတာဖြစ်လို့ ဒီဇိုင်းပက်တန် (Design Pettern) တွေ အကြောင်း မသင်ပေးခင်မှာ ကျွန်မတွက်  အခြေခံဖြစ်တဲ့ စက်ချုပ်ခြင်းအတတ်ကို ကျွမ်းကျွင်စွာ တတ်ဖို့ လိုကြောင်းပြောတယ်။ အဲ့ဒီလို တတ်မြောက်မှလည်း ကိုယ်ဆွဲတဲ့ ဒီဇိုင်းမှန်မမှန် ကိုယ့်ဖာသာစမ်းသပ်ချုပ်ကြည့်လို့ ရမှာဖြစ်ပြီး အနည်းဆုံး မတတ်လှ၊ မကျွမ်းလှဘူး ဆိုရင်တောင် ကိုယ် ညွှန်ကြားပြသပေးမဲ့ အလုပ်သမားတွေလောက်တော့ ချုပ်တတ်ဖို့ လိုကြောင်း ရှင်းပြပါတယ်။ Underwear Designer တစ်ယောက်ဖြစ်ဖို့ အများမျက်စိကျမယ့် အမျိုးသမီးအတွင်းခံ လှလှလေး တစ်စုံလောက် စိတ်ကူးနဲ့ ပုံဖော်တတ်ရုံနဲ့ မရဘဲ ၊အတိုင်းမှန်မှန် ပုံစံကျကျ လှလှပပလေးချုပ်တတ်ရမယ်.. ချုပ်လည်းချုပ်နိုင်ရမယ်တဲ့။ သူ့အပြောမှာ ကျွန်မကိုယ်ကျွန်မ စိတ်မချစွာ မောပန်းနွမ်းနယ် သွားပါတယ်။ သို့သော်လည်း ကျွန်မအကောင်းဆုံး ဖြစ်အောင်  ကြိုးစားလုပ်ပါ့ မယ် လို့ အဓိပ္မါယ်ရတဲ့ “I try my best ‘’ ဆိုတဲ့ စကားကို နှုတ်ဖျားကတင်မကဘဲ ရင်ထဲကပါ လှိုက်လှဲစွာ ကတိပြုမိခဲ့တယ်။ တကယ်ပါ ။ ကျွန်မကို ယုံကြည်စွာ မျှော်လင့်တဲ့ သူ့မျက်လုံးထဲက သတင်းပေး စကားလုံးတချို့ကို လက်ခံကောက်ယူ နိုင်သွားတာမို့ ကျွန်မတကယ် တာဝန်ကျေချင်ပါတော့တယ်။

                                    သူ့ရုံးခန်းကအပြန် လမ်းမှာ ကျွန်မဆီက သက်ပြင်းသဲ့သဲ့ ရှိုက်သံကြားတော့ အန်တီရှယ်လီက အား ပေး စကားလိုလို နဲ့ သတိပေးစကားကိုစပြောတယ်။

                                     “ သူဌေးက အရမ်းသဘောကောင်းတယ်နော်၊ ဟုတ်တယ်မဟုတ်လား။ သူဆီမှာဆို တို့ မြန်မာတွေ က သစ္စာလည်း ရှိပြီး၊ အရမ်းလည်း တာဝန်ကျေတော့ မြန်မာလူမျိုးတွေဆို စက်ရုံမှာသူက မြဲစေချင်တာ။  ရာထူးကြီးကြီးနဲ့ကို အလုပ်လုပ်နိုင်စေချင်တာ  တို့ဆို ဒီမှာ ဆယ်နှစ်ရှိပြီ။ လွန်ခဲ့တဲ့ ဆယ်နှစ်ကဆို မြန်မာနိုင်ငံမှာလည်း အထည်ချုပ်လုပ်ငန်းက ခုလောက် တောင်ဖွံ့ဖြိုးတာ မဟုတ်တော့ တို့လည်း သုညကစပြီး လုပ်ခဲ့ရတာပဲ။ ဒီကိုရောက်ရောက်ချင်းဆိုတော့ ဘာမှသိပ်ပြီး နားမလည်ဘူး။ စက်ရုံက အင်ဒို အလုပ်သမားတွေဆီကပဲ ပြန်သင်ရတာ။ သူဌေးကလည်း ကိုယ်တတ်လားမတတ်လား သူတို့ကိုပဲ မေးပြီး၊ နောက်ကိုယ် တကယ်တော်လာတော့ ရာထူးရော လခရောတိုးပေး။ ကိုယ်တွေကလည်း မြန်မာနိုင်ငံမှာကတည်းက ဘွဲ့ရ ပညာတတ်ပြီးသား ဆိုတော့  ကိုယ်ကို သင်ပေးခဲ့တဲ့ အင်ဒို အလုပ်သမားတွေကို ပြန်ပြီးအုပ်ချုပ်ရင်း၊ နောက် အဲ့ဒီလူတွေ ရဲ့အလုပ်အခြေအနေ၊ နေ့စားအလုပ်သမားကနေ လခစား အလုပ်သမားအဖြစ် တိုးမြှင့်ခန့်ဖို့သင့်မသင့်က အစ၊ သူဌေးက ကိုယ်နဲ့ပြန်ပြီး တိုင်ပင်ရတဲ့ အဆင့်ဖြစ်လာတာပဲ။ အန်တီဆို အဲ့လိုဖြစ်အောင် ကိုယ်တိုင်ကြိုးစားခဲ့သလို သမီးကိုလည်း ဖြစ်အောင် လုပ်နိုင်မယ်လို့ ယုံကြည်တယ်။ ဒါကြောင့်လည်း သမီးလို ဘာအမျိုးမှမတော်တဲ့သူကို လိမ္မာတယ်၊ တော်တယ်လို့ အာမခံပြီး ခေါ်ခဲ့ တာ မဟုတ်လား။ ”

                                 “ ဟုတ်”

                                  ကျွန်မက နားလည်အားကျစွာ ခေါင်းညိတ်ပြတော့ အန်တီရှယ်လီကလည်း စကားဆက်ပါတယ်။

                                    “  ဒါပေမဲ့ ဒါက လူတိုင်းတော့ လွယ်လွယ်ကူကူ မလုပ်နိုင်ဘူး။ အဲ့ဒီလို ဖြစ်အောင် ကြိုးစားရမှာလို့ တို့ ကပြောတာ။ ဒီကိုရောက်လာတဲ့ မြန်မာတွေအားလုံးကို ခြောက်လ အချိန်ပေးထားတယ်။ ပေးထားတဲ့ အချိန်အတွင်းမှာ စက်ချုပ် ရော၊ ခန့်ထားတဲ့ ရာထူးနဲ့ သက်ဆိုင်တဲ့ အလုပ်တွေအားလုံး သင်ပေးပြပေးလိမ့်မယ်။ ဒါပေမယ့် အသင်ချည်းပဲတော့ ဘယ်ဟုတ် မလဲ။ တို့တွေက ဒီမှာအလုပ်လာလုပ်တာ၊ ကျောင်းလာတက်တာမှ မဟုတ်တာ။ learning and doing ပေါ့။ သူတို့ အလုပ်တွေကို သင်ရင်းနဲ့ လုပ်သွားရမယ်။ Job Trainning ပေါ့။ သူတို့က တစ်ထွာလောက် ပဲ ပြရင်ကိုယ်တွေ ကတစ်လံလောက် မြင်နိုင်အောင် ကြိုးစားရမှာ။ သိတယ်မဟုတ်လား။ အဲ့ဒီလို သင်ရင်း ခြောက်လပြည့်လို့ အလုပ်တွေလွှဲလိုက်ပါပြီတဲ့။ ကိုယ်ကဘာတာဝန်မှ မယူ နိုင်သေးဘူး၊ အလုပ်ကို အလုပ်နဲ့တူအောင် မလုပ်နိုင်သေးဘူး ဆိုရင်တော့ `တာ့တာ´ပဲ။ လာရာလမ်းပြန်၊ ကိုယ့်ရွာကိုပဲပြန်၊ အဲ့ဒီရွာမှာသာ ပျော်ပျော်ကြီး နေပေတော့၊ ဘာ နိုင်ငံခြား အတွေ့အကြုံမှလည်း မယူနဲ့တော့။”

နေရောင်မဲ့ ကမ္ဘာခြမ်းကို ညဟုခေါ်သည်

                                          နေရောင်မဲ့ ကမ္ဘာခြမ်းကို ညဟုခေါ်သည်


ဂိုဒေါင်ထဲသို့ စနစ်တကျ အစီအရီ သွင်းနေသော ပိတ်စလိပ် များကို ညွှန်ကြား နေရာချရင်း ဘေးမှာ လာရပ်သော လူရိပ်ကြောင့် ဘေးတစ်ချက် စောင်းငဲ့ ကြည့်လိုက်တော့ စက်ရုံစောင့် လုံခြုံရေးပင်။

“မစ္စတာ ဧည့်သည် တစ်ယောက်က တွေ့ခွင့် တောင်းနေပါတယ်”

“ဘယ်သူလဲ”“ဂျူဒင်းတဲ့”

“သြော်...အေး အေး၊ ကောင်းပြီ၊ အဲဒီမှာပဲ စောင့်ခိုင်းထားလိုက်ပါ။ အခုပဲ လာခဲ့မယ်”

ဂျူဒင်းဆိုသည့် နာမည် ကြားတော့မှ လက်ထဲမှာ တစ်လခွဲလောက် သောင်တင်နေသော
အလုပ် လျှောက်လွှာ တစ်စောင်ကို ပြေးသတိရမိသည်။ ပုဂ္ဂိုလ်ရေးကြောင့်ထက် ဂျူဒင်း၏ အကျင့်စာရိတ္တကို
သဘော ကျမိ၍ သူ့ညီခြေတစ်ဖက်ပြတ် ဒုက္ခိတကို သင့်တော်ရာ အလုပ်ကလေး တစ်ခုခန့်ပေးဖို့
အရဲစွန့် တောင်းဆိုဖူးသော်လည်း စက်ရုံ လူကြီးမင်းတို့က စိတ်မ၀င်စားကြ။

“ဒုက္ခိတကို ငါတို့က ဘယ်နေရာမှာ အလုပ်ပေးခန့် ရမလဲကွ။ နေရာ မရွှေ့ရဘဲ ထိုင်ခုံနဲ့ ထိုင်ပြီး ပိတ်ဖြတ်တဲ့ Band Knife လို့ နေရာမျိုးမှာပဲ ရမယ်။ အဲဒီမှာကလည်း လူမလိုဘူးလေကွာ။ ကျန်တဲ့ အလုပ်တွေက စက်နဲ့အတူ လိုက်လျှောက်ပြီး ပိတ်ခင်းရ မှာတို့၊ ခြေထောက်နဲ့ နင်းပြီး စက်ချုပ် ရတာမျိုး၊ Packing ဌာနလို အင်နဲ့အားနဲ့ ထုပ်ရ ပိုးရတာမျိုး ဘယ်လို လုပ်မလဲ”

လူကြီးစကားကို ပြန် ကြားပြီး သက်ပြင်းတစ်ချက် ရှိုက်လိုက်မိသလို၊ ဆိုင်ကယ် ဦးထုပ်ကို ရင်ဘတ်ပိုက်ပြီး ခပ်ယို့ယို့ကလေး ရပ်နေသော သူ့ကို မြင်လိုက်တော့လည်း အားနာစိတ်၊ သနားစိတ်တို့နှင့် တစ်ဖန် စိတ်မောမိသည်။

“ဟိုင်း ဂျူဒင်း အပါ ကာဘာ” နေကောင်းလားဟု အင်ဒိုလို နှုတ်ဆက် စကားကို ပြောရင်း အနီးအနားမှ ထိုင်ခုံ ကိုဆွဲ အတူ ထိုင်စေကာ၊ သူ့ ညီ၏ အလုပ်လျှောက်လွှာ လုံးဝ အဆင်မပြေနိုင်ကြောင်း မျက်နှာပူပူနှင့် ပြောရတော့ သည်။

“ကျွန်တော်လည်း ထင်တော့ ထင်ပါတယ်။ စက်ရုံက နာမည်ကြီးပြီး အလုပ် သမားတွေက အများကြီး ဆိုတော့ သူ့လို ဒုက္ခိတမျိုး ဘယ်တိုးနိုင်ပါ့မလဲ။ အခုလို ကူညီ ပေးတာပဲ ကျေးဇူး တင်ပါတယ်ဗျာ။ ခုလည်း သူ့သူငယ် ချင်းရဲ့ ဦးလေး ခေါက်ဆွဲဆိုင်မှာ ကူလုပ်ပေးနေတယ်။ အေးဗျာ အားနာနာနဲ့ပဲ နောက်ထပ် အကူအညီ တောင်းရဦးမယ်”

သူက ပြောပြောဆိုဆို သူ့အင်္ကျီဂျာကင်ဇစ်ကို ဖြည်း ညင်းစွာဖွင့်ရင်း၊ အထဲမှ စာရွက်လိပ်ကလေးကို လက် နှစ်ဖက်နှင့် ကျွန်တော့်ရှေ့ ကမ်းလိုက်သည်။
“ဘာလဲဗျ။ အဲ့ဒါက”

“ကျွန်တော့်မိန်းမ အလုပ် လျှောက်လွှာပါ”

“ခင်ဗျာ”
ကျွန်တော် ရုတ်တရက် အံ့သြသွားပုံကို ခပ်ရွံ့ရွံ့မျက် လုံးလှန်ကြည့်ရင်း
“ဒုက္ခပေးတယ်လို့ မအောက်မေ့ပါနဲ့ ဆရာရယ်၊ ကျွန်တော် ဆိုင်ကယ်ကယ်ရီ ဆွဲလို့ရတဲ့ ပိုက်ဆံက မလောက် ငလို့၊ မိန်းမက အချိန်ပိုင်း အလုပ်ကလေး ဖြစ်ဖြစ်၊ အပြင် အလုပ်ကလေး ဖြစ်ဖြစ် လုပ် ပါရစေလို့ ပူဆာလွန်းလို့ ထပ် အကူအညီ တောင်းရတာပါ။ သူက စက်လည်းနင်းတတ်၊ ချုပ်တတ်ပါတယ်”

နောက်ဆုံးတော့ ဆိုင်ကယ် စက်နှိုးရင်း၊ သူတို့ လူမျိုးတွေ အရိုအသေ ပေးဟန် အလေးပြု ဆလံပေးသွားသည့် ဂျူဒင်း ကျောပြင်ကို ငေးရင်း လျှောက်လွှာကိုင်ကာ ကျွန်တော် ဂိတ်ဝမှာပင်၊ ယာယီ သက်ရှိကျောက်ရုပ်လေး တစ်ရုပ် ဖြစ်သွားခဲ့ရ သည်။

စနေနေ့ည ဘောလုံးပွဲ ကောင်းနေ၍ တနင်္ဂနွေနေ့ မွန်းတည့်ချိန်အထိပင် အပျင်း ကြောဆန့်ရင်း၊  ခုတင်ပေါ်မှာပင် ဟိုလိမ့်ဒီလိမ့် လှိမ့်နေ ဖြစ်သည်။ တနင်္ဂနွေ ပိတ်ရက်ကလေးကတော့ အင်ဒိုနီးရှား မှာ အလုပ် လုပ်နေသည့် ကျွန်တော်တို့လို မြန်မာတွေ အားလုံးအတွက်၊ အနား ယူစရာ ချစ်စရာ အကောင်းဆုံးနေ့ လေးတစ်နေ့ပင်။ စနေနေ့ နေ့တစ်ဝက် ရုံးဆင်းပြီးလျှင် အပြင်ထွက် စားသောက်တတ်သော ကျွန်တော်တို့ သူငယ်ချင်းတွေ ညက အိမ်ပြန်သည်နှင့် ဘောလုံးပွဲနှင့် ကြုံနေ၍ ဒီနေ့ မနက် မထနိုင်ခြင်းမှာ၊ အထူးအဆန်းတော့ မဟုတ်ပေ။ တနင်္ဂနွေ Braeakfast နှင့် Lunch မစားဘဲ အိပ်ရာထဲ သိုးနေအောင်အိပ်ပြီးမှ ညစာကို သူငယ်ချင်းတွေနဲ့ အတူ တစ်နေ့တာ ပေါင်းစားတတ်ခြင်းမှာ မရိုးနိုင်သော အားလပ်ရက် အပတ်စဉ် အချိန်ဇယားပင် ဖြစ်သည်။

“ဒေါက်...ဒေါက်”
တံခါးခေါက်သံကြောင့် ကုန်း ရုန်းထရင်း တစ်ခန်းခန်းက “မုန့်” ဝေသန္တရာလုပ်တာဖြစ် လျှင် ကိုယ်က မာတင်္ဂလုပ်ဖို့ မျှော်လင့်ချက်ကလေးဖြင့် တံခါးဆွဲအဖွင့်၊ အန်တီရှယ်လီ နှင့် မေရီတို့၏ မျက်နှာမသာ မယာတို့ကို ရုတ်တရက် တွေ့ လိုက်ရသည်။

“ဟဲ့အောင်မလေး ကယ်ဗင်၊ခုထိအိပ်တုန်းလား။ သွားသွား မျက်နှာသစ်ပြီး၊ မေရီကို လိုက်ကူလိုက်ဦး။ သူ့ပိုက်ဆံအိတ် ကျပျောက် ခဲ့လို့တဲ့၊ ဘတ်စ်ကားပေါ်မှာ”

“ခင်ဗျာ”

ဒီနေရာမှာ ကြားဖြတ် တစ်ခုပြောရလျှင် ကျွန်တော့် နာမည် ကယ်ဗင်၊ အန်တီ နာမည် ရှယ်လီနှင့် ပြီးတော့ မေရီတို့မှာ နာမည်ရင်းများ မဟုတ်ကြဘဲ၊ ကျွန်တော်တို့ မြန်မာနာမည်များကို အင်ဒို နီးရှားတွေ မခေါ်တတ်သဖြင့် ဒီရောက်မှ ဘိုမရူးချင်ဘဲ ရူးထားသည့် နာမည်တွေဖြစ် ကြောင်းပါ။ အခုအန်တီရှယ် လီဆိုသည့် ကြီးတော်ကြီးက ကျွန်တော့်ကို ဟောက်နေပြန်ပြီ။

“သူ့ပိုက်ဆံအိတ် ကားပေါ် ကျခဲ့လို့၊ အဲဒါ နင်လိုက်ကူပြီး ရှာပေးလိုက်။ မြန်မြန် လုပ်။ ကြာရင် ပြန်မရဘဲ ဖြစ် နေဦးမယ်”

“အာ အဓိပ္ပာယ်မရှိတာ။  ဘတ်စ်ကားပေါ် ကျပျောက်တာ ဘယ်လို ပြန်ရှာလို့ရမှာလဲ။  အန်တီကလည်း ခုလောက်ဆို သူများ ယူသွားပြီးပေါ့။ နင်ကလည်း ဘယ်လိုများ ကျပျောက်ရတာလဲ။ ကလေး လည်း မဟုတ်ဘဲနဲ့ ဆုံးပြီပဲ ထားလိုက်တော့ဟာ”

အိပ်ချင်မူးတူးနှင့် ကျွန်တော့်စကားကို ကြား တော့ အန်တီရှယ်လီက မျက်လုံးပြူးကြည့်ရင်း
“ဟဲ့ လျှာရှည်ပြန်ပြီ၊ ရလိုရငှား သွားကြည့်ပေါ့။ အေတီအမ်ကတ်ရော၊ ဖုန်းရော ပါသွားတာ။ ပိုက်ဆံပြန် မရတောင် ဖုန်းနဲ့ကတ် ပြန်ရ ရင် မဆိုးဘူးပေါ့။ မြန်မြန် လုပ်၊ ငါတုိ့ အောက်ကနေ စောင့်နေမယ်”

အန်တီရှယ်လီက မြန်မာတွေ အားလုံးထဲမှာ ရာထူးရော၊ အသက်ရောပါ အကြီး ဆုံးဖြစ်သလို စိတ်ရင်းကောင်းပြီး လူတိုင်းကို ကူညီတတ် သူမို့၊ အားလုံးက ချစ်ခင် လေးစားရသူဖြစ်သည်။ သူ့ စကားကို မလွန်ဆန် ရဲ၍သာ မေရီအိတ်ကို ရှာပုံတော် ဖွင့်ရမည် ဖြစ်သော်လည်း ကောက်ရိုး ပုံထဲကျသော အပ်ကို ရှာရသည် ကမှ အချိန်ပေး ကြိုးစားရှာလျှင် တွေ့နိုင်မည်။ လူမျိုးစုံ၊ ဘ၀မျိုးစုံ ကျင်လည်ရာ ဘတ်စ် ကားပေါ်မှာ ပိုက်ဆံရော၊ ဖုန်း ရောပါသည့် အိတ်တစ်အိတ် ကိုဖြင့် ဘယ်လိုပုံစံမျိုးနှင့် ရှာဖွေ ရမှာပါလိမ့်။

ကောက်ရသူ က သူလိုကိုယ်လို လောဘ သမားဆိုလျှင် ရေငတ်သူ လက်ထဲ ရေခဲစိမ် ကိုကာကိုလာ တစ်ဘူး ရောက်လာတာ မျိုးဖြစ်ပေလိမ့်မည်။ မျက်နှာ သစ်၊ အင်္ကျီလဲရင်းအတွေး များစွာနှင့် လှေကားထစ်များကို ၀ုန်းဒိုင်းကြဲ ဆင်းလာပြီး စိတ်ထဲမှလည်း နေရာတကာ နမော်နမဲ့နိုင် လွန်းသော လျှပ်ပလာ မမေရီကိုသာ အား ရပါးရ နားရင်းတီးချင်လာ တော့သည်။ အန်တီရှယ်လီ ပေးလိုက်သည့် လမ်းစရိတ် ငါးသောင်းတန် (မြန်မာငွေ ငါးထောင်ခန့်)လေးကို ကိုင်ပြီး၊ နှစ်ယောက်သား ဖုန်းရှာပုံတော် ခရီးမစခင်၊ ဦးစံရှား ရာထူး လက်ခံစမှာ ပြောမနာဆိုမနာ သူငယ်ချင်း မကို အခွင့်အရေးရခိုက် ကောင်းကောင်း နှိပ်ကွပ်လိုက်ဦးမှ ဟုတွေးကာ-
“ပြောစမ်းပါဦး၊ ငါ့ကို ဘယ်ကနေ ဘယ်လိုဖြစ်ရ တာလဲဆိုတာ”

“အင်တာနက်ဆိုင်မှာ ငါ့အိမ်နဲ့ငါ ခါတိုင်းလိုပဲ စကားပြောပြီးအပြန် ကြီကို ကိုးလ် (Cikokol) ဘက်သွား တဲ့ ကားစီးပြီးပြန်လာတာ။ ဒီရောက်တော့ ကားပေါ်က ပြေးဆင်းရင်း၊ ကားသမားကို ပိုက်ဆံပေးတုန်း၊ သူက လည်း နောက်ကားက ပါလာ တော့ ငါ့လက်ထဲက ပိုက်ဆံကို အလောတကြီး အယူ၊ လက်ကောက်ဝတ်မှာ ချိတ် ထားတဲ့အိတ်ကလေးလည်း ကားရှေ့ခန်းထဲ ကျသွားရော။ ငါကလည်း ပြေးဆင်းရင်း အောက်အရောက်၊ ကားက လည်း ရုတ်တရက်ကြီးကို မောင်းပြေးသွားတာပဲ။ ငါက ကားကို အော်ခေါ်ပါသေးတယ်။ သူက မသိတာလား၊ သိသိကြီးနဲ့ မောင်းပြေးသွား တာလား မသိတော့ပါဘူး ဟာ”

“ဒါဆို ကားသမား တော့ ဖုန်းကံစမ်းမဲကို ပိုက်ဆံ ထုပ်နဲ့တွဲပြီး ပေါက်သွားတာ ပေါ့”
“နင်နော်“

သူ့ကို စချင်၍ ပြော လိုက်သော်လည်း၊ ဖုန်းတစ် လုံးသာ ဆံ့သည့်အိတ်ထဲ ရှိ သမျှပိုက်ဆံလေးတွေ အမြဲ ခေါက်ထည့်ကာ၊ လက်ကောက်ဝတ်မှာအမြဲလိုလို ချိတ်ထားသည့် အိတ်သေး သေးလေး တစ်လုံးကို မျက်စိ ထဲ ပြန်မြင်မိသည်။ ဆမ်ဆောင်း စလိုက်ဖုန်းလေးကလည်း Touch Screen မဟုတ်သော်လည်း၊ အတော် ကောင်းသည့် အမျိုးအစား ကလေးပင်။ ကတ်ကိုတော့ ဘဏ်ကနေ ငွေမထုတ်နိုင် အောင် အကြောင်းကြား ပိတ်ပင် ထားနိုင်သော်လည်း ပါသွားသည့် ငွေပမာဏကလည်း မနည်းလှသဖြင့်၊ အိတ်ပြန်ရဖို့ မျှော်လင့်ချက် ရောင်ခြည်မှာ မှေးမှိန်နေခဲ့ သည်။