Monday, December 31, 2012

ရေကြည်သော်လည်း မြက်မနုရာ- ၇

                                              ရေကြည်သော်လည်း မြက်မနုရာ- ၇

             တကယ်တမ်းတော့ ကျွန်မရဲ့ သူငယ်ချင်းအသစ်ဖြစ်တဲ့ ကယ်လ်ဗင်မှ မဟုတ်ဘယ်ယောက်ျားလေး ကမှ စက်ချုပ် ၀ါသနာပါ တယ် ဆိုရင်တောင် အခုလိုမျိုး အမျိုးသမီး ရေကူးဝတ်စုံနဲ့ အတွင်းခံတွေ ချုပ်တဲ့ အထည်ချုပ်စက်ရုံမှာ စက်ချုပ်သင်ဖို့ စိတ်ကူးမိမှာမဟုတ်ဘူး။ ဘုမသိ ဘမသိနဲ့ စက်ပြင်ဆရာနောက် ၀က်အူ လှည့်လေး တစ်ချောင်းကိုင်ပြီး တကောက်ကောက်လိုက်ရင်း ပညာသင်ရတဲ့ ဘ၀ကို သူလိုချင် မှာမဟုတ်တာ ကျွန်မ နားလည်နေမိတယ်။ ဩဒါကြောင့်လည်း သူက ဩဒီစက်ရုံခွဲ ဖြစ်တဲ့ ပိတ်ယက်တဲ့ စက်ရုံမှာ တခြား မြန်မာအစ်ကိုတွေနဲ့ အတူ အလုပ်လုပ်ချင်တယ်လို့ အန်တီရှယ်လီကို ပြောခဲ့ဖူး တာပဲ။ ဩဒါပေမဲ့လည်း ဩသူတို့ ကျွန်မတို့ဆိုတာက ကိုယ်လုပ်ချင်တဲ့အလုပ်၊ ကိုယ်နေချင်တဲ့ နေရာကို ကိုယ့်ဆန်္ဒရှိတဲ့ အတိုင်းရွေးချယ်ခွင့် မရတော့လည်းခက်သားပဲ။ ဒါကြောင့် ကျွန်မကိုယ်တိုင်က ကိုယ့်ရာထူး ပေါက်စန လေးရဲ့ တာဝန်တွေ ယူနိုင်အောင် မနည်းကြိုးစားနေရတုန်း ဆိုတော့ ကယ်ဗင်ကို သူတို့ ဘယ်နေရာအတွက် ရည်ရွယ်ပြီး မြန်မာနိုင်ငံကနေ တကူးတကခေါ်ခန့်ထား ရသလဲ ဆိုတာ မှန်းဆတွေးတောလို့ မရခဲ့တာအမှန်ပါပဲ။
             ရိုးရိုးပဲ စဉ်းစားလိုက်ရင်တော့ လက်ရှိသူရဲ့ရာထူးက ( မက်ကဲနစ်)ခေါ် စက်ပြင်ဆရာပေါ့။ ဩဒါတောင်မှ သူက ဒီရာထူးမှာ လက်ထောက် စက်ပြင်ဆရာအဆင့်။ တကယ်တမ်းပြောရရင် စက်ပြင်ဆရာရဲ့ တာဝန်က ထုတ်လုပ်မှုဌာနရော၊ နမူနာဌာနရော ရှိသမျှ စက်ချုပ် သမလေးတွေရဲ့ စက်ချုပ်တဲ့အချိန်မှာဖြစ်ပေါ်လာတဲ့ ပြဿနာမှန်သမျှ ရှင်းပေးဖို့ တစ်နေကုန် အသင့်ရှိနေရ တဲ့သူတွေပါ။ ကျွန်မရောက် စတုန်းက နမူနာစက်ခန်းထဲမှာ ကျွန်မစက်ချုပ်ရင်း ပြဿနာတစ်ခုခုပေါ်ရင် စက်ခန်းထဲက ကောင်မလေးတွေက ထုတ်လုပ်မူဌာနနဲ့ ကပ်လျက် အခန်းကျဉ်းလေးထဲ စုပြုံရှိနေတတ်တဲ့ စက်ပြင်ဆရာတွေထဲမှ တစ်ယောက်ယောက်ကို ခေါ်ပေးလေ့ရှိပါတယ်။ အခုတော့ ကျွန်မက စကားလည်း အတော်အတန် ပြောတတ်လာသလို ကိုယ်စက်ချုပ်ရင်းတွေ့တဲ့ ပြဿနာတွေကို ကိုယ့်ဖာသာဖြေရှင်းဖို့ တာဝန်ရှိတာ သိလာတော့ စက် တစ်ခုခုဖြစ်ရင် ကျွန်မ ကိုယ်တိုင်ပဲ စက်ပြင်ဆရာ တစ်ယောက်သွားခေါ် ရပါတယ်။ အဲ့ဒီအခါ ထုတ်လုပ်မူဌာနမှာ ပြင်လက်စ စက်တစ်လုံးနဲ့ ကယ်ဗင် ကို တွေ့ရတတ်ပါတယ်။ ထုတ်လုပ်မူဌာန မှာ ကျွန်မတို့ နမူနာအခန်းလို အဲယးကွန်း တပ်မထားတာကြောင့်  ပူအိုက်တဲ့ အဲ့ဒီနေရာရဲ့ နောက်ဆုံး ခုံ နေရာလေးမှာ ချွေးတဒီးဒီးကျပြီး စက်အဖုံးကို ဖွင့်ကာ ကလိနေတဲ့ သူ့ကိုတွေ့ရပါ တယ်။ သူတို့စက်ပြင်ဆရာတွေ အားလုံးစုနေတဲ့ နေရာမှာလည်း ပျက်နေတဲ့စက်တွေ ရယ် ပြင်လက်စ စက်တွေရယ်နဲ့ ပြည့်နေတဲ့ စားပွဲရှည်ကြီးတစ်လုံးနဲ့ ထိုင်ခုံသုံးလေးလုံး လောက်သာတွေ့ရ တယ်။ ပူအိုက် တဲ့ နေရာမို့ ပန်ကာတစ်လုံးတော့ တပ်ပေးထားတာလည်း တွေ့ရပါတယ်။ သူတို့ မက်ကဲနစ်ယူနီဖောင်း ကတော့ အပြာရင့်ရောင် ထက်အောက် ဆင်တူဖြစ်ပြီး နိုင်ငံခြားသား ဖြစ်တဲ့ ကယ်ဗင်တစ်ယောက်ကတော့ ကျွန်မတို့လို ကိုယ်နှစ်သက်ရာဝတ်စုံကို ရုံးချိန်တွင်းမှာပဲ ၀တ်ခွင့်ရပါတယ်။
          ကျွန်မက ကိုယ့်ကိစ်္စ အတွက်စက်ပြင်ဆရာ လာခေါ်ရပေမဲ့ ကျွန်မလို အအေးခန်းထဲမှာ အလုပ်လုပ် ရင်း၊ အလုပ်သင်ခွင့် မရရှာတဲ့ သူ့ကို ကြည့်ြ့ပီး စိတ်မကောင်းဖြစ်မိတယ်။ ကျွန်မ အမြဲထိုင်လေ့ရှိတာ မဟုတ်ပေမယ့် ရုံးရောက်တာနဲ့ ကျွန်မစားပွဲရယ်လို့ အသိအမှတ်ပြုလို့ ရနိုင်တဲ့ အလူမီနီယံစားပွဲနဲ့ ဆိုဖာထိုင်ခုံလေး နဲ့ ဟန်နဲ့ပန်နဲ့ရှိချိန်မှာ သူ့မှာတော့ ဘုံစားပွဲရှည်ကြီးမှာပဲ အကြောင်းအမျိုးမျိုး နဲ့ ပြင်စရာရှိနေတဲ့ စက် အစုတ်ပလုတ် တွေနဲ့ပဲ နှစ်ပါးသွားနေရတယ်။ သူ့ကိုစားပွဲနဲ့ခုံသီးသန့်ထုတ် မပေး သေးတာကလည်း သူ့အလုပ်က ထိုင်ခုံမှာ ထိုင်ရင်း တသတ်မတ်တည်းလုပ်ရမဲ့ အလုပ်မျိုးမှမဟုတ်ပဲ။ သူတို့ထုတ်လုပ်မူပိုင်းမှာ နည်းမျိုးစုံနဲ့ ပျက်တဲ့ စက်တွေကို အချိန်မီပြန်ပြင်ဖို့ မက်ကဲနစ်တွေက စက်ချုပ်သမလေး တွေ နားမှာ အမြဲအဆင်သင့်ရှိနေရတယ်။ ဒါမှလည်း ပျက်နေတဲ့စက်ကို အမြန်ဆုံး ပြီးအောင် ပြင်ဆင်ပေးပြီး ဒါမှလည်း တစ်နေ့ ဘယ်လောက်ထွက်ရမလဲ ဆိုတဲ့ သတ်မှတ်နှုန်းများအတိုင်း စက်ချုပ်သမတွေက အချိန်မီပြီးစီးနိုင်အောင် ချုပ်နိုင်မှာ ဖြစ်ပါတယ်။ စက်တစ်လုံးက အလုပ်ချိန် အတွင်း ချုပ်နေရင်းနဲ့ ပျက်သွားခဲ့ရင် နီးစပ်ရာ စက်ပြင်ဆရာက ချက်ချင်း ကူညီပေးရပါတယ်။ အဲ့ဒီလို ကူညီတဲ့ နေရာ မှာ စက်ပြင်ဆရာတွေ့ရဲ့ အရည်အချင်းကလည်း အဓိက အရေးကြီးတယ်။ ဘာကြောင့်လဲ ဆိုတော့ နမူနာအခန်းတွက်ိ စက်ပြင်ဆရာ ခေါ်တာတောင်မှာ  အချိန်တိုလေးအတွင်း အမြန်ဆုံးစက် ကို ကောင်းအောင်ပြင်နိုင်မဲ့ လူကိုသာ နာမည်တပ်ပြီး  ခေါ်လေ့ရှိကြတယ်။ အခုလိုမျိုး တစ်နာရီ ဘယ်နှထည်ထွက်ဖို့ စံသတ်မှတ်ချက်ရှိတဲ့ ထုတ်လုပ်မူလိုနေရာမျိုးမှာဆို  အရည်အချင်းရှိတဲ့  စက်ပြင်ဆရာ ကိုသာ ပိုလိုလားကြမှာပါ။
           ဒါကြောင့်လည်း ကယ်ဗင်ကို ကျွမ်းကျင်တဲ့ စက်ပြင်ဆရာဖြစ်လာဖို့ အားထားပေမဲ့၊ သူက စက်ပြင်တဲ့ အလုပ်ကို စိတ်မ၀င်စား သေးတာမို့ အခြေခံဖြစ်တဲ့ စက်နင်းတာကို သင်ဖို့ သင့်တဲ့အကြောင်း သူ့ဆရာက အန်တိရှယ်လီ့ကို ပြောပြပုံပါပဲ။ ဘာကြောင့်လဲဆိုတော့ သူတို့ ထုတ်လုပ်မူဌာနက လကုန်ပိုင်းပစ်္စည်းပို့မယ့် အချိန်လောက်သာအိုဗာတိုင်ဆင်းပြီး ကျန်တဲ့ အချိန်တွေမှာ ညနေလေးနာရီ ထိုးတာနဲ့ ထုတ်လုပ်မူ ဌာနကို မီးပိတ်ပြီး အလုပ်သမားတွေ အားလုံးလည်း အိမ်ပြန်ကြပါတယ်။  အဲ့ဒီအချိန်ဆို ကိုယ်တော်ချောကလည်း လုပ်စရာ အလုပ်မရှိဘူးဆိုပြီး ကန်တင်းမှာ သွားထိုင်နေတာမျိုး၊ စက်ရုံထဲက ခုံတန်းမှာ အလုပ်သမား တချို့နဲ့အတူ နားနေတာမျိုးလုပ်သတဲ့။ တကယ်လို့ သူကိုသာ စက်ချုပ်သင်ပေးမယ် ဆိုရင် စက်တွေအကြောင်း ပိုမိုနားလည်နိုင်ပြီး ချည်ကြောင်းအစိတ်အကျဲတွေလည်း ငြိလို့ရနိုင်တယ်လို့ ဆုံးဖြတ်ပြီး သူတို့ ထုတ်လုပ်မူဌာန က လိုင်း ခေါင်းဆောင် အမျိုးသမီးလက်ထဲကို အပ်လိုက်တဲ့ အကြောင်း ကျွန်မကြားရပါ တယ်။ ဒီတော့ သူက ဆရာနှစ်ယောက် ဆီမှာ တပြိုက်နက်တည်း မဖြစ်မနေ တပည့်ခံရတဲ့ ဘ၀ရောက်သွားတယ်။ သူ့ကို ထမင်းစားချိန်မတိုင်မီမှာ မက်ကဲနစ်ဆရာက စက်ပြင်ခိုင်းပြီး ညနေပိုင်း မှာတော့ လိုင်းခေါင်းဆောင် ကြီးကြပ်ရေးမှူး (စူပါဗိုက်ဇာ) အမျိုးသမီး ဆီမှာ စက်ချုပ်သင်ခိုင်းထားတဲ့ အကြောင်း ကြားရတယ်။ ထုတ်လုပ်မူပိုင်း က လူတွေအားလုံး ပြန်ကြလည်း သူထိုင်ချုပ်နေတဲ့ စက်ရဲ့လိုင်းမှာ မီးမပိတ်ပဲထားခဲ့တာမို့ သူက ညနေခြောက်နာရီကျော် ခုနှစ်နာရီလောက်အထိ စက်ချုပ်ပြီးမှ ပဲ ပြန်ဖြစ်တော့ပါတယ်။
            တစ်ရက်တော့ ရုံးပြန်ခါနီး ကားစောင့်နေတုန်းသူနဲ့ဆုံရတယ်။ သူကလည်း ကျွန်မတို့နဲ့အတူ အဆောင်မှာ ပဲနေတာမို့ အဆောင် ပြန်ဖို့ ကားအတူစောင့်ရင်း စကားပြောဖြစ်ပါတယ်။ ကျွန်မတို့နှစ်ယောက်စလုံးက နှစ်ဆယ့်တစ်နှစ်အရွယ် ဘွဲ့ရပြီးခါစ အလုပ်မလုပ်ဖူး တဲ့ သူတွေမို့ နင်နဲ့ငါ လို့ပဲ ရင်းရင်းနှီးနှီး ပြောဆိုဖြစ်ကြတယ်။ အဲ့ဒီအချိန်မှာ ကြီးမေလင်းနှင့် အစ်မနှစ်ယောက်ကလည်း ကားစောင့်ရင်း စက်ရုံ လှေကားထစ်လေး တွေမှာထိုင်ပြီးစကားပြောနေကြတယ်။ ကျွန်မတို့ ရွယ်တူနှစ်ယောက်ကလည်းတစ်ဝိုင်းပေါ့။
            ””နင်ကဘာနဲ့ ကျောင်းပြီးတာလား။ ဒီမှာ အလုပ်လုပ်ရတာ အဆင်ပြေလား”            ””ကျွန်မမေးချင်တဲ့စကားကို သူကဦးအောင်မေးလိုက်ပါတယ်””
           ””ငါက အီကိုနဲ့ကျောင်းပြီးတာလေ ။ အလုပ်က အဆင်ပြေလားဆိုတော့ အင်းဩဩ.. ဒီလိုပါပဲ အခုမှဘောင်းဘီစချုပ်တတ်တာ၊ တခြားအထည်တွေကိုတော့ ကူတဲ့အဆင့်ပဲ ရှိသေးတယ်။ ငါကို သူတို့က လက်ထောက်ဒီဇိုင်နာရာထူးပေး ထားတာဆိုတော့ ဒီဇိုင်းဆွဲတတ်တဲ့ အဆင့် ရောက်အောင်တော့ ကြိုးစား ရမှာပေါ့””
           ””နင်တို့ဆီမှာ သူဌေးက တိုက်ရိုက်အုပ်ချုပ်တာနော်။ အန်တီရှယ်လီ့ဆီ ဘာလို့ မသွားတာလဲ။ အန်တီရှယ်လီရဲ့ ဌာနမှာဆို သူဌေးက သူကို လွဲထားတာမို့ သူက အဲ့ဒီဌာနမှာ ရာထူး အကြီးဆုံးပဲလို့ငါ ရန်ကုန်မှာ နေကတည်းက ကြားဖူးတယ်””
           ””နင်ကရော ဘာနဲ့ ကျောင်းပြီးတာလဲ””
           ””ငါက ဓါတုဗေဒနဲ့ ဘွဲ့ရတာဟ””
           ””အေးလေ ဒါဆိုနင့်ကိုရော ဘာလို့ ကိုပီတာတို့လို အရောင်တွေစပ်တဲ့ နေရာမျိုးမှာ မထားတာပဲ မက်ကဲနစ် လုပ်ခိုင်းရတာလဲ””
           ””အေးဟ အဲ့ဒါတော့ ငါလည်း မသိဘူး။ စဉ်းစားစရာပဲ””
           ””ဘာတွေ စဉ်းစားစရာ ဖြစ်နေတာလဲ””
           အဲ့ဒီအချိန်မှာပဲ ကားသမားမျှော်ရင်း ကျွန်မတို့နားကိုရောက်လာတဲ့ မစနီ်္ဒက မေးလိုက်ပါတယ်
           ””ဒီမှာ ကျွန်တော်တို့လုပ်နေရတဲ့ အလုပ်တွေက ကျွန်တော်တို့သင်ထားတဲ့ပညာတွေနဲ့ ဘာမှမဆိုင်တဲ့အကြောင်း စဉ်းစားစရာ ဖြစ်နေ တယ်လို့ ပြောတာပါ အစ်မရာ””
           ””သြော် နင်တို့ အဲ့ဒါတွေဘာမှ လျောက်စဉ်းစားမနေနဲ့။ ကိုယ်က ကံကောင်းလို့ ဒီကိုရောက်လာရတာ။ သူတို့ချပေးထားတဲ့ နေရာ မှာသာ အဆင်ပြေအောင်လုပ်ဩ၊ နောက်ကျွမ်းကျင်သွားရင် တာဝန်တွေခွဲပေးလိမ့်မယ်။ အဲ့ဒီအခါ ချယ်ရီကလည်း ဒီဇိုင်းဆွဲတတ်လာရင်တောင် စာရင်းတွေ ဘာတွေ ကော်စတင်တွက်တာတွေဘာတွေ လုံးဝ နားမလည်ရင်တော့ မဖြစ်သေးဘူး။ သိအောင်တတ်အောင် လေ့လာရဦးမှာ။ ဒီလိုပဲ ကယ်ဗင်ကလည်း အခု စက်ပြင်တာ အပြင် စက်ချုပ်တာပါ သင်နေတော့ အဲ့ဒီ နှစ်မျိုးလုံးတတ်သွားရင်တောင် နောက်ထပ် ပိတ်စအကြောင်း၊ မိုးလ်ဒင်း (ပိတ်စကို အပူပေးပြီး ဘရာစီယာပုံသွင်းသည့်အလုပ်) အကြောင်း၊ ပိတ်ဖြတ်တဲ့ ဌာနတွေအကြောင်း တွေလေ့လာ ရဦးမှာ””
          ””ဗျာ ဒါဆို ကျွန်တော်တို့တွေ အားလုံးက အော်အင်ဝမ်းပေါ့ ””
          သူ့စကားကို ကြားတော့ မစနီက ပြုံးသွားတယ်
          ””အေးဟယ် ဩအဲ့လိုပဲ ပြောရမှာပဲ။ တက်စတိုင်း (အထည်ချုပ် လုပ်ငန်း) ဆိုတာ တစ်ခုနဲ့တစ်ခု ဆက်စပ်နေတာ နင်တို့လိုမျိုး အဝေးကနေ လာအလုပ်လုပ်တဲ့ ဖော်ရိန်းနာတွေ မပြောနဲ့ ဒီကအင်ဒိုတွေလည်း သူတို့နေရာလေးမြဲဖို့ အလုပ်ထဲမှာ ရာထူးတိုးဖို့ ကိုယ်နဲ့ ဆက်စပ် နေတဲ့ လုပ်ငန်း မှန်သမျှ အကြမ်းဖျဉ်းနားလည်အောင် လေ့လာထားရတာပဲ””
        ””ကျွန်တော် အမတို့ဆီမှာ သိချင်တာ တစ်ခုရှိတယ်။ အခု ချယ်ရီတို့ အစ်မတို့ အလုပ်လုပ်နေတဲ့ နမူနာအခန်းမှာ ဟို ဒီဇိုင်နာ အဖွားကြီးက  သူက အကြီးဆုံးပေါ့ ဟုတ်တယ်မဟုတ်လားဩဆို မဒေလီကရော ဘာလုပ်တာလဲ””
        သူလည်း ကျွန်မရောက်စတုန်းကလိုပဲ ဒီဇိုင်နာမဟုတ်တဲ့ မဒေလီကို ကွန်ပြူတာတစ်လုံးနဲ့ တစ်ခန်းလုံးကို ဟိုခိုင်းဒီခိုင်း လုပ်တတ် တာကို ကြည့်ပြီး မေးပုံရပါတယ်””
        ””သြော် သူက ငါတို့နဲ့ အသက်အတူတူဆိုတော့ ကြီးမေလင်း လက်အောက်ကပဲပေါ့။ သူက ကြီးမေလင်း ၀ယ်သူ ရောင်းသူတွေ စက်ရုံကို လာလို့ တွေ့ဆုံစကားပြောရင် အင်္ဂလိပ်လို ကူညီပြောပေးတဲ့သူပေါ့။ သူက အင်္ဂလိပ်လို ကောင်းတော့ သူကနေတဆင့် ၀ယ်သူ ဆီ အထည်ပို့ ပေးတဲ့အခါ ပို့ရမဲ့နေရာတို့ ပို့မဲ့အချိန်တို့ အပြန်အလှန်ပြောပေးရတာပေါ့””
       ””ဒါဆို ကျွန်တော်ဆီမှာရော ဘယ်သူက အကြီးဆုံးလဲ ””
       ဒီကိုရောက်တာ တစ်လလောက်ပဲ ရှိသေးတဲ့  ကယ်လ်ဗင်တစ်ယောက်သိချင်တာတွေက များပြာလှပါတယ်။
       ””ကျွန်တော် အခုစက်ပြင်တာ လိုက်သင်နေတဲ့ သူက မက်ကဲနစ်ထဲမှာ ခေါင်းဆောင်ပေါ့။ ဒါပေမဲ့ အခု စက်လိုင်းတစ်လိုင်းဆီမှာလည်း ခေါင်းဆောင်တွေရှိပြန်တယ်။ အဲ့ဒီထဲက တစ်ယောက်က ကျွန်တော့်ကို အခုစက်ချုပ်သင်ပေးနေတယ်။ ဒါပေမဲ့ ကျွန်တော်သိချင်တာ ဒီ ထုတ်လုပ်မူဌာနတစ်ခုလုံးကို အုပ်ချုပ်တဲ့သူ မရှိဘူးလား။ အဲ့ဒီလူက ဘယ်သူလဲ အဲ့ဒါကို ကျွန်တော်က အဲ့ဒါကို သိချင်တာ””
       ””ရှိတာပေါ့။ အဲ့ဒါနင့်ဆရာ ဖြစ်လာမဲ့လူပဲလေ။ သူ့နာမည်က ရစ်ချက်တဲ့ ၊မြန်မာတော့ မဟုတ်ဘူး။ ဖစ်လပင်း ။အခု အလုပ်ကိစ်္စနဲ့ ထိုင်း ကို ခဏသွားတယ်။ သူပြန်လာရင် နင်ကတပည့်ခံပြီး သူ့နောက်ကနေ လိုက်ကူရမှာ။ အဲ့ဒီလို လိုက်ကူဖို့ အတွက် နင်ကို အလုပ်တွေ သင်ပေးနေတာလေ။ ရစ်ချက် က အတွေ့အကြုံတွေ များတော့ တော်တယ်။ ဒါနဲ့အခု လောလောဆယ် နင့်တို့ဆီမှာ နေ့တိုင်း ဆူပူအော်ဟစ် နေတဲ့ မိန်းမ တစ်ယောက်ကို မတွေ့ဘူးလား။ သူကတော့ လိုကယ်(ဌာနေ) အင်ဒိုမပဲ ။ သူ့နာမည်က အားနားတဲ့ သူက စရိုက် ကြမ်းလို့ သူဌေးက သူ့ကို လွဲထားတယ်။ ထုတ်လုပ်မူဌာနရဲ့ လက်ထောက် မန်နေဂျာလို့ပဲ ပြောရမလား ။ ရစ်ချက်မရှိရင် သူက နင်တို့ ဌာနမှာ ဘောစ်ပေါ့””
       မစနီ အပြောကို နားထောင်ရင်း ကယ်ဗင်မျက်နှာရှုံလို့ သွားတယ်
       ””အခုလောလောဆယ်တော့ သူက ကျွန်တော်တို့ဆီမှာ အကြီးဆုံးပေါ့လေ””
       ””အင်းပေါ့။ ထုတ်လုပ်မူဌာနဆိုတာကလည်း လူပေါင်း လေးရာ ငါးရာကို အုပ်ချုပ်ရတာ ကြမ်းနိုင်မှ တော်ကာကျမှာပေါ့ ””
       ””ကျွန်တော်မျက်စိထဲတော့ သူ့ကို သရဲမကြီးလို့ပဲ မြင်တယ်””
       သူ့အပြောကြောင့် ကျွန်မမျက်စိထဲ ထုတ်လုပ်မူဌာနကို ဖြတ်သွားဖြတ်လာတိုင်း ခါးတစ်ဖက်ထောက်ကာ လက်ညှိးငေါက်ငေါက်ထိုးရင်း စက်ချုပ်သမတွေကို အော်ဟစ်ဆူပူနေတဲ့ အားနားမျက်နှာကြီးကို မြင်လိုက်မိပါတယ်။ အဲ့ဒီအချိန်မှာပဲ ကျွန်မတို့ကို  အကြိုအပို့လုပ်နေတဲ့ ကားလေးလည်း ရောက်လာပြီမို့ စကားစကို ဖြတ်ပြီး အားလုံး အဆောင်ပြန်ဖို့ ကားပေါ်တက် လိုက်ပါတော့တယ်။
                                                                           ဆက်လက်ဖော်ပြပါမည်
                                                                                စုသဲမွန်
                                                                          (The Ladies New Journal)

2 comments:

  1. ကူးကူးလှိုင်January 1, 2013 at 4:40 PM

    ညီမရေ တိုင်းတစ်ပါးမှာ အလုပ်လုပ်ခဲ့တဲ့ အတွေ့အကြုံတွေ ပြန်မျှဝေတာ အရမ်းကောင်းတယ်သိလား အစ်မက စက်သာမချုပ်တတ်တာ စက်ချုပ်တာကို စိတ်ဝင်စားတယ် ညီမရေးပြတာလဲ တော်တော်လေးအသေးစိတ်ဆိုတော့ အထည်ချုပ်နဲ့ နိုင်ငံခြားသွားမဲ့သူတွေအတွက် တကယ့်အထောက်အပံ့ကောင်းတစ်ခုပဲနော်...

    ReplyDelete
    Replies
    1. မမရေ။ အမြဲလာဖတ်ပေးလို့ ကျေးဇူးတင်ပါတယ်။ နောက်ထပ် လိုင်းကောင်းရင် အသစ်တွေ တင်ပေးဦးမယ်။ အားပေးပါဦးနော် :)

      Delete